Yinmarbin Photos
Sunday, July 27, 2008
ဒီပုံလေးတွေကတော့ ကျွန်တော် စုထားတဲ့ ယင်းမာပင် မြို့ လေးရဲ့  ရှု့ခင်း အချို့ ပါ။ ဒီအောက်က Satellite မြေပုံလေးတွေ ကတာ့ "ဒုက္ခာဦး" ပို့ပေး ထားတာ လေးတွေပါ။ အဲ....တစ်ခု ကြုံလို့ ပြောပါရစေ၊ အခု ဒီအောက်က SatelliteMap တွေထဲမှာ "ယင်းမာပင်"(yinmarbin)ကို "ယင်းမပင်"(yinmabin) လို့ * -ာ* ရေးချ အသံဖျောက်ပြီးစာလုံးပေါင်း ရေးထား တယ်ဗျ။ အဲဒါ အမှားကြီးပါဗျာ... အသံထွက် မှားရာ ကနေ အခုတော့ တစ်ကမ္ဘာလုံး "ယင်းမပင်" လို့ ခေါ်ကုန် ကြပြီးလား မသိတော့ ပါဘူး။ မတတ်နိုင်ဘူးလေ.... ၊ မြန်မာ့အသံ နဲ့ မြ၀တီ ကပါ "ယင်းမပင်" လုပ်နေတော့ လည်း ....အဲလိုပဲ ဖြစ်ရတော့ မှာ ပေါ့ ။ (
ယင်းမာပင်မြို့နဲ့ ပတ်သက်ပြီး ကျွန်တော်မှာ စုထားတဲ့ ပုံတွေနဲ့ GoogleMap ကနေ PrintScreen ဖမ်းပြီး ပို့ပေးတဲ့ "ဒုက္ခာဦး" ရဲ့ ယင်းမာပင် Satellite Maps တွေကို Flickr.com မှာ မူရင်း Resoluton အတိုင်း ပေါင်းပြီး တင်ပေးထား ပါတယ်။ သွားရောက် ကြည့်ရှုနိုင် ကြပါတယ်၊ အလိုရှိ ပါကလည်း ရယူနိုင်ပါတယ်။ အခု ဒီမှာ ပြထားတဲ့ ပုံတွေကိုတော့ Resoluton ချပြီး ပုံသေးတွေ အနေနဲ့ပဲ တင်ထား တာပါ။
Click Here To See and Get
Labels: photo, yinmarbin, ယင်းမာပင်
| Permalink | Comments
| links to this post
My Stupid Redirect URL
Monday, July 21, 2008
ဟောဗျာ..ကိုယ့်ကိုယ်ကိုပဲ စိတ်တိုမိတယ်၊ တကယ်ပါပဲ...။ အလုပ်တစ်ခုလုပ်ရင် မသေမချာနဲ့ ဟင်းးးးးးးးးးးးးး
ခုလဲ လုပ်ချလိုက်ပြန်ပြီ၊ အော် ဒီဆိုဒ်လေးကို မြန်မာနိုင်ငံကလူတွေ မကျော်ပဲ ကြည့်ရပါစေတော့လို့
လုပ်လိုက်တာ...ခု လုပ်တဲ့ကောင်ကလည်း ပိတ်ထားတဲ့ ကောင် ဖြစ်နေပြန်တယ်။
ဒီလိုပါဗျာ...ကျွန်တော့် ဒီယင်းမာပင် ဘလော့လေးကို URL နှစ်မျိုးကနေ ၀င်ကြည့်နိုင်ပါတယ်။
ဆောရီးဗျာ.... နှစ်ခုလုံးက ပြည်တွင်းမှာ ပိတ်ထားတယ်
http://yinmarbin.blogspot.com
http://yinmarbin.co.nr
ဒါနဲ့ နောက်တစ်ခု ထပ်လုပ်မိပြန်ပါတယ်၊ ဘယ်လိုလဲမသိတော့ဘူးဗျာ။ Home site တွေကိုတော့ ဖွင့်ခွင့်ပေးပြီး Redirectလုပ်လာတဲ့ Subdomain ဆိုဒ်တွေကို အကုန်ပိတ်ပစ်ထားတယ်။ အင်း.... http://myanmarbloggers.org မှာ ယူမှပဲ အဆင်ပြေမယ့်ပုံပဲ။ ဒါလေးက အခုမှ လုပ်လိုက်တာလေးပါ....
http://yinmarbin.co.cc
ဟုတ်ကဲ့ ...၀မ်းသာစရာ တစ်ခုပြောချင်ပါတယ်၊ ကိုပီကေ ကနေ ကျွန်တော်ရဲ့ ယင်းမာပင် ဘလော့လေးကို http://myanmarbloggers.org မှာ ချိတ်ပေးလိုက်ပြီမို့ ဒီဘလော့လေးကို မြန်မာပြည်တွင်းက ဖတ်ရှု့သူများအနေနဲ့ အောက်ပါလိပ်စာနဲ့ ၀င်ကြည့်နိုင်ပါပြီ ခင်ဗျား...။
http://yinmarbin.myanmarbloggers.org
| Permalink | Comments
| links to this post
အိမ်အပြန်
Sunday, July 20, 2008
အမြင်က စိုစိုစိမ်းစိမ်း
သဲလွန်စအတိုင်း ရင်ဘတ်ထဲဝင်လိုက်တော့ သွေ့ခြောက်ခြောက်သရောင်း
အမြန်ရထားလက်မှတ် ဖြတ်အပြီး
ဘူတာရုံလေးမှာ ဥသြသံတွေ ညို့မှိုင်းလာတယ်။
ဒဏ်ရာကို အရောင်တင်လိုက်မှ
ဦးခေါင်းအရေပြားဟာ အထင်းသား
အခုဆို မေမေကလည်း စိတ်ပန်းကိုယ်လျော့ ရှိရော့မယ်....။
တံစက်မြိတ်အောက်မှာ
ကလေးတွေ ရေမချိုးကြတော့ဘူး
လမ်းမပေါ် ဘောလုံးကန်နေကြတယ်....။ ။
ရိုးသက်
ဒီကဗျာလေးကို ဘယ်ကနေ ကူးထားမိလဲတော့ မမှတ်မိတော့ဘူး၊ ခုမှ စာအုပ်ကြားထဲက ထွက်လာလို့ ....။ အိမ်ပြန်ကာနီး လူငယ်တစ်ယောက်ရဲ့ ခံစားချက်ကို ရေးထားလို့ အရမ်းသဘောကျ မိတယ်။ ကဗျာအဆုံး ပိုဒ်လေးကိုတော့ အကြိုက်ဆုံး ပါပဲ...။
ဟုတ်ပါတယ်ဗျာ... အမေရဲ့ အိမ်မှာတော့ ကျွန်တော်တို့ အားလုံး ကလေးတွေ ချည်းပါပဲ၊ အဲဒီ ကလေးတွေ အတွက် အလုံးခြုံဆုံး နေရာဟာလည်း အမေရဲ့ အိမ်အရိပ်အောက်မှာ ပါပဲ။ ဒါပေမယ့် အခု-
"တံစက်မြိတ်အောက်မှာ
ကလေးတွေ ရေမချိုးကြတော့ဘူး" တဲ့၊ အဲဒီ ကလေးတွေဟာ အမေရဲ့အိမ်အရိပ် အစပ်(တံစက်မြိတ်) လေးမှာတောင် မရှိကြတော့ ဘူးလို့ ပြောပါတယ်။ ဒါလည်း ဟုတ်ပါလိမ့်မယ် .... အရင်က လူငယ်တွေ အရွယ်ရောက် လာလည်း ကိုယ့်မိဘရဲ့ မျက်စိရှေ့မှောက် (ဒါမှမဟုတ်) မလှမ်းမကန်း မှာပဲ လုပ်ကိုင် စားသောက် ခဲ့တာ များပါတယ်။ အခု ကျွန်တော်တို့ ခေတ်မှာတော့ မရတော့ ပါဘူး။ မိဘနဲ့ အလှမ်းဝေးတဲ့ နယ်ပယ်ဒေသ တွေထိ ခြေဆန့်နိုင်မှပဲ ဖြစ်တော့တယ်။ တစ်ချို့ဆို ပြည်ပအထိ .... ခြေဆန့်ရတယ် မဟုတ်လား ......
ဒါကို ကဗျာဆရာက ကဗျာရဲ့ နောက်ဆုံး စာကြောင်းမှာ -
"လမ်းမပေါ် ဘောလုံးကန်နေကြတယ်....။ ။"
လို့ ရေးပြီး ပိတ်လိုက်ပါတယ်။ ဆက်စဉ်းစား စရာက အများကြီး ကျန်ခဲ့ပါတယ်၊ လမ်းပေါ်တက်ပြီး ဘောလုံးကန်နေတဲ့ ကလေးတွေ အန္တရာယ်မှ ကင်းပါ့မလား၊ ကားတစ်စီးစီးကများ တိုက်သွားမလား ...၊ ဘေးကင်းတဲ့ တံစက်မြိတ် အောက်မှာပဲ ရေချိုးး ပါတော့လား ....။
ဟုတ်ကဲ့ ..... အန္တရယ်များမှန်း သိပါတယ်၊ ဒါပေမယ့် ကျွန်တော်တို့ လမ်းမပေါ်တက်ပြီး ဘောလုံးကန်နေကြတုန်း ပါပဲ..... ;)/
Labels: poem
| Permalink | Comments
| links to this post
မြို့ကလေးရဲ့ မြကန်သာ
Sunday, July 6, 2008
ယင်းမာပင်မြို့ရဲ့ မြို့ဝင်ရှု့ခင်းထက် မြို့ထွက်ရှု့ခင်းက ပိုပြီးဆွဲဆောင်အား ကောင်းပါတယ်။ အခုနောက်ပိုင်း ဖွင့်လှစ်လိုက်တဲ့ အမျိုးသမီးအိမ်တွင်းမှု့ ကျောင်းကလည်း မြို့အထွက် နားမှာ ဆိုတော့ လှပြီးသား မြို့ထွက် ရှု့ခင်းလေးနဲ့ ပိုပြီး ပနံရသွား သလိုပါပဲ။ ( ဒီကျောင်း နေရာက အရင် စက်မှု့လယ်ယာ ရုံးဝင်းရဲ့ မြောက်ဖက် ဆန်ဂိုဒေါင် ဟောင်းကြီးတွေ နေရာ မှာပါ.... )
ထို အိမ်တွင်းမှု့ကျောင်းနဲ့တစ်ဆက်တည်း မြို့အထွက်ဖက် လမ်းဘယ်ညာမှာ ယိမ်းထိုးကွေ့ကောက် နေတဲ့ တမာပင်တန်းလေးဟာ ကြည့်လို့ အလွန်လှတဲ့ နေရာလေး ဖြစ်နေပါတယ်။ ဒါ.... ယင်းမာပင်လို့ ပြောရမယ့် နေရာလေးလည်း ဖြစ်နိုင်ပါတယ်... (ကျွန်တော့် အမြင်ပါ....) ။ ပြီးတော့ နောင်တစ်ချိန်မှာ အဲဒီ ပတ်ဝန်းကျင် နေရာလေးဟာ စည်ကားမှု့ အတန်အသင့် ရှိလာနိုင်ပါတယ်။
အဲဒီနေရာလေးကနေ မြောက်ဖက် (မြို့အထွက် ဖက်) ကို ဆက်သွားလိုက်မယ် ဆိုရင် ယင်းမာပင်မြို့ထွက် ဆိုင်းဘုတ်လေးကို တွေ့ရမှာ ဖြစ်ပါတယ်။ အဲဒီ ဆိုင်းဘုတ်လေး ကနေ အရှေ့ဖက် (ဘယ်ဖက်) ကို ကွေ့လိုက်မယ် ဆိုရင် R.1 ဆိုတဲ့ ရေကန်ဆီ သွားရာ ယူကလစ်ပင်တွေ ဘယ်ညာ တန်းစီ စိုက်ပျိုးထားတဲ့ မြေနီလမ်းလေးကို တွေ့ရမှာပါ။ R.1 ရေကန်ဟာ ယင်းမာပင် မြို့နယ်ရှိ (၉၉)ကန် လို့ ခေါ်တဲ့ ရေကန်တွေ အားလုံးထဲမှာ ဟစ်အဖြစ်ဆုံး ရေကန်လို့ ပြောနိုင်ပါတယ်။ ယင်းမာပင် မြို့ကို လာရောက် လည်ပတ်တဲ့ ဧည့်သည်တွေကို လိုက်ပို့လေ့ ရှိတဲ့ နေရာတွေ ထဲက တစ်ခုပေါ့ ...... ။
R.1 ရေကန်ဆီသွားရာ မြေနီလမ်းနဲ့ ဘေးဘယ်ညာက ယူကလစ်ပင်တန်းတွေဟာ မြင်ရသူတိုင်းကို ဆွဲဆောင်စည်းရုံးဖို့ အမြဲ အသင့် ရှိနေတတ်ပါတယ်။ ဖြူဖွေးနေတဲ့ ပင်စည်နဲ့ ယူကလစ်ပင် ရှည်ရှည်တွေဟာ တစ်ခုခုကို သတိရစေ သလိုပါပဲ ... ။
တကယ်လို့ သင်ကိုယ်တိုင် အဲဒီမြေနီလမ်းလေးပေါ်မှာ ဖြတ်လျှောက်ဖြစ်ခဲ့မယ် ဆိုရင်တော့ ယူကလစ် ပင်စည်တွေ ပေါ်က ကွန်ပါဒေါက်/ဓါး တို့နဲ့ ရေးခြစ်ထားတဲ့ ခံစားချက် စာတန်းအချို့ကို သတိပြုမိ သွားပါလိမ့်မယ်။ တစ်ချို့ကျောင်းသား စုံတွဲ၊ ချစ်သူတွေ အတွက် ဒီနေရာလေးဟာ ဆုံမှတ် ဖြစ်ခဲ့ကြပြီး ဒီနေရာလေးမှာပဲ လမ်းခွဲခဲ့ ကြရပုံပေါ်ပါတယ်။ ဘာဖြစ်လို့လဲ ဆိုတော့ "ယူကလစ်စာ" တွေက သက်သေ ပြနေလို့ ပါပဲ။ (တက္ကသိုလ် ကျောင်းတွေမှာ သစ်ပုတ်ပင်ကြီး ကို အသိသက်သေ ထားပြီး ကွန်ပါဒေါက်/ဓါး တွေနဲ့ ပင်စည်ပေါ်မှာ စာရေးကြ သလိုပေါ့)။
ကျွန်တော်ကတော့ အိမ်တစ်ခေါက် ပြန်တိုင်း အဲဒီနေရာလေးကို အနည်းဆုံး တစ်ခေါက်တော့ ရောက်ဖြစ် ပါတယ်။ ဆယ်တန်း ကျောင်းသား/သူ တွေလို့ ခန့်မှန်းရတဲ့ "ယူကလစ်စာ" ရေးသူ တွေရဲ့ ဘ၀၊ အချစ်၊ ရည်မှန်းချက် စတဲ့ ခံစားချက် လေးတွေကို ယူကလစ် ပင်စည် တွေပေါ်မှာ လျှောက်ဖတ်ရတာ .... တစ်ခါတစ်လေ ရယ်စရာလိုလို ....၊ ချီးကျူးချင်စရာ လိုလို ...၊ လေးစားချင်စရာ လိုလို .... ပါပဲ ။
ဘာပဲ ဖြစ်ဖြစ်ပါ၊ R.1ရေကန်လေးဟာ "ပုဂံခေတ်ရဲ့ မြကန်သာ" မဟုတ်ပေမယ့်လည်း ယခုခေတ် "ယင်းမာပင် မြို့ကလေးရဲ့ မြကန်သာ" လေးပါ...။ အခွင့်သင့်ရင် အလည်လာခဲ့ ဖို့လည်း တစ်ခါတည်း ဖိတ်ခေါ် လိုက်ပါရစေဗျာ .... "ယူကလစ်စာ" တွေ ဖတ်ကြတာပေါ့ ..... ။
| Permalink | Comments
| links to this post
PoeWinTaung Pagoda Photos and Yinmarbin Google Map
Friday, July 4, 2008
Today , I can access my blog with third party tool. But I have nothing to write down.
So I wanna show the links of PoeWinTaungPagoda.
http://www.flickr.com/photos/robinthom/2491294860/
http://www.flickr.com/photos/robinthom/2491294860/
This photos are uploaded by Robinthon. Thks, Robinthon
And I see the Satellite maps of Yinmabin Town in this site .
Please check it up!
Yinmabin google satellite maps
Labels: pagoda, photo, poewintaung, yinmarbin
| Permalink | Comments
| links to this post
ယင်းမာပင်မြို့နယ် မှတ်စုတို
တည်နေရာ
ယင်းမာပင်မြို့နယ်သည် စစ်ကိုင်းတိုင်း၊ မုံရွာခရိုင် အတွင်း ချင်းတွင်းမြစ်၏ အနောက် ဘက် မြောက်လတ္တီကျု ၂၁ံ ၅၉' နှင့် ၂၂ံ ၁၉' အကြား၊ အရှေ့ လောင်ဂျီကျု ၉၃ံ၃၆' နှင့် ၉၅ံ ၁၅' အကြားတွင် တည်ရှိ၍၊ ရန်ကုန်မြို့၏ မြောက်ဘက် အနောက်ယွန်းယွန်း မိုင် (၄၀၀) အကွာတွင် တည်ရှိ ပါသည်။ ယင်းမာပင်မြို့နယ် ၏ အရှေ့ဘက်တွင် မုံရွာမြို့နယ် နှင့် ဆားလင်းကြီးမြို့နယ်၊ တောင်ဘက် တွင် ပုလဲမြို့နယ်နှင့် ကနီမြို့နယ်၊ မြောက်ဘက်တွင် ကနီမြို့နယ်တို့ ရှိကြပါသည်။
အကျယ်အ၀န်း
ယင်းမာပင် မြို့နယ်သည် ပင်လယ်ရေမျက် နှာပြင် အထက် ပေ (၄၀၀) တွင် ရှိပြီး ယေဘူယျ အားဖြင့် မြေပြင် ညီညာပြန့်ပြူး ပါသည်။ မြေပြန့်လွင်ပြင်မှာ ရာခိုင်နှုန်း (၄၈.၂၃%) ရှိပြီး စတုရန်းမိုင် အားဖြင့် (၁၇၄.၅၉) ရှိ၍ စတုရန်းမိုင် အားဖြင့် (၇၅.၈၂)၊ ဆင်ခြေလျှော မြေမှာ (၃၄၀.၀၂%) ဧရိယာအားဖြင့် (၁၁၂.၂၉) စတုရန်းမိုင် ရှိရာ ယင်းမာပင်မြို့နယ် မှာ စုစုပေါင်း အကျယ်အ၀န်း အားဖြင့် (၃၆၂.၇၀) ဧရိယာစတုရန်းမိုင် ကျယ်ဝန်း ပါသည်။
မြို့နယ်သမိုင်း
ယင်းမာပင်မြို့နယ်အား မြို့နယ်အဖြစ် ၁၉၀၁ ခုနှစ်တွင် ဗြိတိသျှအစိုးရမှ စတင်သတ်မှတ်ပြီး နယ်ပိုင်ဝန်ထောက် တစ်ဦး ရုံးထိုင်စေလျက် ပုလဲမြို့နယ်၊ ဆားလင်းကြီးမြို့နယ် တို့ကိုပါ အုပ်ချုပ်ရသော ခရိုင်ခွဲ (ဆဗ္ဗဒီဝီဇံ)မြို့အဖြစ် သတ်မှတ်ခဲ့ ပါသည်။ မြန်မာဘုရင်များ လက်ထက်ကမူ ယင်းမာပင် မြို့နယ် အပါအ၀င် ပုလဲမြို့နယ်နှင့် ဆားလင်းကြီးမြို့နယ်တို့ ပါဝင်သော ဒေသများအား ဖန့်ချီနယ် (တချို့က `ဗန့်ဂျီနယ်´ ဟုလည်း ပြောကြ ပါသည်။) ဟု ခေါ်ဝေါ် သတ်မှတ် ခဲ့ပါသည်။ အဆိုပါ (၃)မြို့နယ်၏ အနောက်ဘက်တွင် ပင်တောင်၊ ငပြုံးတောင်၊ ဖန့်ဂျီတောင် ဟူ၍ ရှိရာ ဖန့်ဂျီတောင်သည် တောင်ယမား ချောင်းနှင့် မြောက်ယမားချောင်း အကြားတွင် တည်ရှိသော ကြောင့် အဆိုပါ ဒေသအတွင်း တည်ရှိသော နယ်မြေများကို ဖန့်ဂျီနယ်ဟု ခေါ်ဝေါ်ကြောင်း သိရှိရပါသည်။ မြို့နယ်အဖြစ် ၁၉၀၁ ခုနှစ်ကပင် ဗြိတိသျှအစိုးရက သတ်မှတ် ခဲ့သော်လည်း ယင်းမာပင်မြို့နယ်ကိုမူ မြို့အဖြစ် စနစ်သစ် အုပ်ချုပ်ရေး စတင်သည့် ၁၉၇၂ ခုနှစ်တွင်မှ တရားဝင် သတ်မှတ် ခဲ့ပါသည်။ ယခင်ကမူ ယင်းမာပင်မြို့နယ်သည် နယ်ပိုင်ရုံးစိုက် ဖြစ်သော်လည်း မြို့အဖြစ် တရားဝင် သတ်မှတ်ချက် မဟုတ်ဘဲ မြို့မအုပ်စု အဖြစ်သာ တည်ရှိ ခဲ့ပါသည်။
မြေအနေအထား
ယင်းမာပင် မြို့နယ် အတွင်း၌ တောင်တန်း နှင့် ဆင်ခြေလျှော ဒေသမှာ မြေပြန့်လွင်ပြင် ဧရိယာ ထက် ပိုမိုကျယ်ဝန်းသည် မှန်သော် လည်း ဤမြို့နယ်တွင် အလွန် မြင့်မားသော တောင်ကုန်း တောင် တန်းကြီးများ မရှိပါ။ မြို့နယ် အတွင်း ဖြတ်သန်း စီးဆင်းသည့် တောင်ကျ ချောင်း(ယမားချောင်း)မှာ အနောက်မှ အရှေ့သို့ စီးဆင်း၍ စုန်းကျင်းအုပ်စု၊ ဘိန်းနွယ်ချောင် ကျေးရွာအနီးတွင် ချင်းတွင်းမြစ် အတွင်းသို့ စီးဝင်ပါသည်။ တင်ဆုံချောင်းမှာ အနောက်မြောက်မှ အရှေ့တောင်သို့ စီးဆင်းပြီး နတ္ထောင့် ကျေးရွာ အနီးတွင် ပေါင်းဆုံပါသည်။ ၎င်းချောင်းများသည် ရေစီး အလွန် လျှင်မြန်သည်။ သို့ဖြစ်၍ ၎င်းချောင်းများ ဖြတ်သန်းစီးဆင်းသည့် ရွှေလှန်၊ ပန်းမထုံး၊ ရေအောင့် စသည့်ကျေးရွာများသည် ရံဖန်ရံခါ ရေတိုက်စားခြင်းများ ကြုံရပါသည်။
လမ်းပန်းဆက်သွယ်ရေး
မုံရွာ - ပုလဲ - ဂန့်ဂေါလမ်း ၊ ၁၂-ပေ အကျယ် ကတ္တရာခင်း ကားလမ်းသည် ယင်းမာပင်မြို့နယ်ကို ဖြတ်သန်းလျက် ရှိပါသည်။ မိုင်တိုင် အမှတ် ၉/၀ မိုင်မှ ၂၃/၄ မိုင်သည် ယင်းမာပင်မြို့နယ် အပိုင်း ဖြစ်၍ (၁၄) မိုင် (၄) ဖာလုံ ရှည်လျား ပါသည်။ ဤ မုံရွာ-ပုလဲ-ဂန့်ဂေါ လမ်းမှာ ရာသီမရွေး ဆက်သွယ် သွားလာနိုင်ပြီး ခရီးသည်နှင့် ကုန်စည် များကို သယ်ယူပို့ဆောင်ပေးလျက် ရှိပါသည်။ ထိုပြင် ပွင့်လင်းရာသီ၌ မြို့နယ် အတွင်းရှိ ကပိုင်၊ ဆင်စွယ်၊ ရင်ပေါင်တိုင် စသည့် ကျေးရွာများမှ ယင်းမာပင်မြို့ကို ဖြတ်သန်း၍ မုံရွာမြို့သို့ ခရီးသည်နှင့် ကုန်စည်များ ပို့ဆောင် ပေးခြင်း၊ ကနီ-ယင်းမာပင်-မုံရွာ ကားလမ်းဖြင့် သွားလာနိုင်ခြင်း တို့ဖြင့် လမ်းပန်းဆက် သွယ်ရေး အဆင်ပြေ ချောမွေ့လျက် ရှိပါသည်။ ယင်းမာပင်မြို့မှ မုံရွာမြို့သို့လည်း ကားကြီးကားငယ် များဖြင့် အချိန်မရွေး သွား လာနိုင် သကဲ့သို့ ယခုနောက်ပိုင်းမှ ဖွင့်လှစ်ခဲ့သော ကလေးဝ-ယာကြီး-မင်းဒေါင့်-မုံရွာ ကားလမ်းဖြင့် ချင်းတွင်းတံတား(မုံရွာ) ကို အသုံးပြုလျက် ယင်းမာပင် မြို့နယ်မှ ခရီးသည်နှင့် ကုန်စည် များကို အချိန်အခါမရွေး သယ်ယူပို့ဆောင် ပေးနေပြီ ဖြစ်ပါသည်။
ရာသီဥတု
ယင်းမာပင်မြို့နယ်သည် မြန်မာ နိုင်ငံအလယ်ပိုင်း ပူပြင်းခြောက် သွေ့သည့်အပိုင်းတွင် ပါရှိပါသည်။ တစ်နှစ်လျှင် ပျမ်းမျှ မိုးရေချိန် (၃၀)လက်မ နှင့် (၄၀)လက်မ အကြားသာ ရွားသွန်း လေ့ ရှိပါသည်။ မိုးရေချိန် အနည်းဆုံး လမှာ ဧပြီလဖြစ်၍ အများဆုံးလမှာ အောက်တိုဘာလ ဖြစ်ပါ သည်။ ပူပြင်း ခြောက်သွေ့သည့် ဒေသဖြစ်သည့် အလျောက် မိုးရာသီတွင် တစ်ခါတစ်ရံ မိုးသက် လေပြင်းများ ကျရောက်လေ့ ရှိပါသည်။ အပူချိန် အနေဖြင့် အနိမ့်ဆုံး (၄၀)ဒီဂရီ ဖာရင်ဟိုက် ဖြစ်၍ အမြင့်ဆုံး အပူချိန်မှာ (၁၁၀)ဒီဂရီ ဖာရင်ဟိုက် ဖြစ်ပါသည်။ အအေးဆုံးလ မှာ ဇန်န၀ါရီလ ဖြစ်၍ အပူဆုံးလမှာ ဧပြီလ ဖြစ်ပါသည်။
ပေါက်ရောက်သော အပင်များ
ယင်းမာပင်မြို့နယ်သည် မြေပြန့် အပူပိုင်း ဒေသတွင်သာ ပေါက် ရောက် နိုင်သည့် သန်း၊ ဒဟတ်၊ ထနောင်း၊ ရှား၊ ဇီးဖြူ၊ တယ်၊ တမာ၊ သမုန်း၊ သနပ်ခါး စသည့် အပင်များ ပေါက်ရောက် ပါသည်။ ချင်းတွင်းမြစ် ဘေးတလျှောက်နှင့် ချောင်းဘေး တို့တွင်လည်း သပြေ၊ ဘိုင်၊ ကတွတ်၊ သဖန်းပင်များ ပေါက်ရောက်လျက် တောင်စောင်း များတွင် အင်၊ အင်ကြင်း၊ ထောက်ကြံ့၊ တမလန်း၊ ပိတောက်၊ ပျဉ်းကတိုးပင်များ ပေါက်ရောက်ကာ တောင်ပေါ် မြေပြင်ပိုင်းတွင် ကျွန်း၊ သတီ၊ မျောက်ချောနှင့် မျှင်ဝါး၊ တင်းဝါး၊ သနပ်ခါး စသည်တို့ ပေါက်ရောက်ကြ ပါသည်။ ဆေးဘက်ဝင် အပင်များအနေဖြင့် တောင်ပေါ်၊ တောင်စောင်းများတွင် လက်ထုပ်၊ ဘုမ္မရာဇာ၊ သက်ရင်းကြီး၊ သက်ရင်းကလေး၊ နီပဆေး၊ မှန်နီ၊ ဆင်တုံးမနွယ်၊ မှန်နီ၊ ဆင်တုန်းမနွယ်၊ နာငါးပါး၊ နနွင်းခါး၊ တောရှောက်၊ မင်းကိုးခါ(မင်းကိုးဒါး) စသော ဆေးဘက်ဝင် အပင်များ ပေါက် ရောက် ပါသည်။
စိုက်ပျိုးရေး
ယင်းမာပင်မြို့နယ်တွင် စီမံကိန်း သီးနှံများ စိုက်ပျိုးထုန်လုပ်လျက် ရှိရာ မိုးရာသီ၌ မိုးကြိုစပါး စိုက်ပျိုးခြင်း၊ မိုးနှမ်း၊ မိုးပြောင်ဖူး၊ မြေပဲ၊ ၀ါကလေး၊ ပဲစိမ်းငုံ သီးနှံများ အဓိကထား၍ စိုက်ပျိုး ပြီး
မိုးလယ်ရာသီတွင် စပါး၊ ပဲတီစိမ်း နှင့် နှံစားပြောင်း သီးနှံများ၊ မိုးနှောင်းရာသီတွင် ထောပန်ပဲ၊ စွန်တာနီ၊ ငရုတ်သီးနှံများ၊ ဆောင်းရာသီတွင် နှမ်းကြီး၊ ဆောင်းမြေပဲ၊ ကြက်သွန်ဖြူ၊ အာလူး၊ ကုလားပဲ၊
ဂျုံ သီးနှံများ အဓိကထား၍ စိုက်ပျိုး ထုတ်လုပ်ပါသည်။
ယင်းမာပင်မြို့နယ်၏ စိုက်ပျိုးလုပ်ကိုင်နိုင်သည့် မြေဧကမှာ (၁၂၁၇၆၄) ဧက ဖြစ်ပြီး၊ သစ်တောမြေမှာ (၃၄၂၉၈) ဧက ဖြစ်ပါသည်။ ပလပ်မြေ စုစုပေါင်းမှာ (၁၅၇၃၆) ဧက ရှိ၍ စိုးပျိုး မရသည့် မြေ
စုစုပေါင်းမှာ (၄၀၉၈၂) ဧက ရှိပါသည်။
နောက်ဆုံးအပြောင်းအလဲလေးတွေ
ပညာရေး
အရင်တုန်းက ... မူကြိုကျောင်း (၁)ကျောင်း၊ အ.မ.က(၁) မူလ တန်းကျောင်း (၁)ကျောင်း နဲ့ အ.ထ.က(ယင်းမာပင်) အထက်တန်း ကျောင်း (၁)ကျောင်း ... ဒါပဲ ရှိတယ်။
၁၉၉၂ ခုနှစ် လောက်ကစပြီး အ.မ.က(၂) ဆိုတာ ထပ်ဖွင့်တယ်၊ နေရာက တော့ (ခ)ရပ်ကွက် ထဲမှာပဲ (အရင် စာတိုက်ဟောင်း နေရာပေါ့)။ ဒီတော့ (က)ရပ်ကွက်
(ကုလားတန်း လို့လည်း ခေါ်ကြတယ်) ဖက်က ကလေးတွေ အများဆုံး တက်ကြတယ်။ ၁၉၉၇ ခုနှစ် လောက်မှာ ဘုန်းတော်ကြီး စာသင်ကျောင်း (ဘ.က) ကို "ဇောတိက ကျောင်းတိုက်"
ထဲမှာ ဖွင့်လှစ်နိုင်ခဲ့တယ်။ ဒီကျောင်းက လေးတန်း အထိရှိပြီး ငွေကြေးနွမ်းပါးတဲ့ ကလေးတွေနဲ့ စာသင်သံဃာတော် တွေ အတွက် ရည်ရွယ် ပါတယ်။
ဒါကြောင့် ယင်းမာပင်မြို့ပေါ်မှာတင် မူကြိုကျောင်း (၁) ကျောင်း၊ ဘုန်းတော်ကြီးသင် စာသင်ကျောင်း (၁) ကျောင်း၊ မူလတန်း ကျောင်း (၂)ကျောင်း [အ.မ.က(၁) နှင့် အ.မ.က(၂)] နဲ့
အထက်တန်း ကျောင်း (၁)ကျောင်း ရှိလာတယ် ဆိုပါတော့ ...။
အဲဒီနောက်ပိုင်း ... တခြားကျောင်းတွေအနေနဲ့ ဘာမှ အပြောင်း အလဲ မရှိပေမယ့် မူလတန်းကျောင်း (၂) ကျောင်း ဖြစ်တဲ့ အ.မ.က(၁) နဲ့ အ.မ.က(၂) ကတော့ မူလတန်းလွန်ကျောင်း
တွေအဖြစ် ပြောင်းလဲတိုးတက် လာခဲ့ပါတယ်။ ( "မူလွန်ကျောင်း" ဆိုတဲ့ အခေါ်အဝေါ် က နည်းနည်းတော့ စိမ်းပါတယ်၊ ပြောရရင် တစ်နှစ်ကို တစ်တန်းစီ တိုးသွားတာမျိုးပါ။)
အ.မ.က(၁)အနေနဲ့ ခုဆိုရင် ( ) တန်းထိ တိုးတက်လာပြီး ၊ အ.မ.က(၂) ကတော့ (၇)တန်း ထိ ရောက်နေပါပြီ။
နောက်ပြီး ... ရွာသာရွာမှာ အလယ်တန်းကျောင်း တစ်ကျောင်းလည်း ရှိပါသေး တယ် (မူလတန်းကနေ ရှစ်တန်း အထိပေါ့)။ ဘယ်တုန်းက စဖွင့် ခဲ့လဲ ဆိုတာတော့ မမှတ်မိဘူး ဖြစ်နေပါတယ်။
စာသင်ကျောင်း မဟုတ်ပေမယ့် အမျိုးသမီးရေးရာ က ဖွင့်လှစ် ထားတဲ့ အမျိုးသမီး အိမ်တွင်းမှု ကျောင်းကို လည်း ထည့်တွက်မယ် ဆိုရင် ထည့်တွက်လို့ ရပါတယ်၊ ဒီကျောင်းကို ၂၀၀၅ လောက်က ဖွင့်လှစ် လိုက်တာပါ။
နေရာကတော့ အရင် စက်မှုလယ်ယာ ရုံးဝင်းရဲ့ မြောက်ဖက် ဆန်ဂိုဒေါင် ဟောင်းကြီး တွေ နေရာမှာပါ။
အခုလက်ရှိ ကျောင်းတွေနဲ့ ကျောင်းအုပ်ကြီးတွေရဲ့ အမည်စာရင်းတွေ ကတော့ အောက်ပါအတိုင်း ဖြစ်ပါတယ် -
လက်ရှိ တာဝန်ထမ်းဆောင်နေသူများ ဖြစ်ပါသည်
ကျောင်းအမည်
ကျောင်းအုပ်အမည်
အ.ထ.က(ယင်းမာပင်)
ဦးဇော်ဝင်း (ယာယီ)
အ.မ.က(၁)
ဒေါ်အေးအေးမာ
အ.မ.က(၂)
ဒေါ်ဥမ္မာရွှေ
အ.လ.က(ရွာသာယာ)
9.9
ဘ.က
9.9
မူကြိုကျောင်း
မရှိ (ဆရာမ နှစ်ဦးသာရှိ)
အမျိုးသမီး အိမ်တွင်းမှုကျောင်း
ဒေါ်မြမြသင်း
၂၀၀၃ခုနှစ် နောက်ပိုင်း သိသိသာသာ ပြောင်းလဲသွားတာ တစ်ခု ကတော့ (၉)တန်း၊ (၁၀)တန်း ဘော်ဒါဆောင်တွေ တော်တော် ပေါလာတာ ပါပဲ။
(ခ-ရပ်ကွက် နဲ့ တိုးချဲ့ဖက်တွေမှာ အများဆုံး တွေ့ရ ပါတယ်။) မူလတန်း ကနေစပြီး ကျူရှင်တွေ၊ Guideတွေ ရှိလာပြီး ကလေးတိုင်းလိုလိုကလည်း
ကျောင်းနဲ့ ကျူရှင် မနားတမ်း ပြေးနေ ကြရတယ်။ ယင်းမာပင်မြို့ပေါ်ရှိ နာမည်ရှိတဲ့ ဘော်ဒါဆောင် အချို့ကတော့ အောက်ပါအတိုင်း ဖြစ်ပါတယ်-
ဘော်ဒါအမည်
အုပ်ချုပ်သူ
နေရာ
မြင့်မိုရ်
ဦးမြင့်သန်းဦး
ခ-ရပ်ကွက်(ပါတီရုံးဟောင်း)
EverGrade
ဦးမောင်မောင်ထွေး
ခ-ရပ်ကွက်
အောင်ထက်အောင်
ဦးသိန်းထီ
ခ-ရပ်ကွက်
ပညာမွန်
ဦးစိုးတင့်
ဂ-ရပ်ကွက်
ဂုဏ်ထူးဝေ
ဦးသန်းထွန်းဝင်း
ဂ-ရပ်ကွက်(တိုးချဲ့)
Excellent
ဦးမြလှိုင်
ဂ-ရပ်ကွက်(တိုးချဲ့)
ယောမင်းကြီး
ဦးဝင်းလှိုင်
ဂ-ရပ်ကွက်(တိုးချဲ့)
ငြိမ်းချမ်း
ဦးစန်းမောင်
ခ-ရပ်ကွက်(တိုးချဲ့)
ငွေစန္ဒာ
ဒေါ်ခင်နှင်းဖြူ
ခ-ရပ်ကွက်(တိုးချဲ့)
သရဖူ
ဦးသိန်းမင်းလှိုင်
ခ-ရပ်ကွက်(တိုးချဲ့)
Golden
ဦး -
က-ရပ်ကွက်
လူမှု့ရေး
ဝန်ထမ်းတွေ အများဆုံး နေထိုင်တဲ့ တောမကျ မြို့မကျ မြို့လေးမို့ ခေတ်နောက်ကျ မကျန်ခဲ့သလို ခေတ်ရှေ့လည်း ပြေး မနေပါဘူး။ မြို့သူ မြို့သား အချင်းချင်း လည်း သိနေကြတာမို့
တစ်ခါ တစ်ခါ ရွာလေးနဲ့ တောင် တူနေပါတယ်။
အရင်က လူမှုရေး ကိစ္စတွေ ပေါ်လာတိုင်း ၀ိုင်းဝန်း အကြံပေး ကူညီတတ် ကြပေမယ့် ခုနောက်ပိုင်းမှာ နည်းနည်း စိမ်းသွား တယ်လို့ ခံစား ရပါတယ်။ ခင်ရာခင်ကြောင်း တွေလောက်ပဲ
ရောက် လာ ကြတော့တယ်။ ဒါကလည်း နောက်တက်လာတဲ့ မျိုးဆက်သစ် လူငယ်တွေရဲ့ ခံယူချက် အပြောင်းအလဲကြောင့်လည်း ဖြစ်ကောင်း ဖြစ်နိုင် ပါတယ်။
အဲဒီ နောက်တက် လူငယ်တွေဟာ ရှေးအစွဲ အချို့ကို လျော့ချခဲ ပါတယ်။ ဥပမာ- ဒီမြို့ ပေါ်မှာ တိုက်မဆောက် ရဘူး၊ ဆောက်ရင် ဘာဖြစ်တယ် ညာဖြစ်တယ် . . . တို့ ၊ အမေရေယာဉ် ရဲ့
နယ်မို့ လှေကို "လှေ" လို့ မပြောရဘူး... "ခေါင်း" လို့ ပြောရမယ် တို့ ၊ ဒီမြို့နယ် သား ဖြစ်ရင် တစ်နှစ် တစ်ခါ အမေရေယာဉ် နတ်နန်း ဆီလာပြီး ရေစင် ဆက်ရမယ် တို့ ..... ။
ဒါပေမယ့် ... ရန်ကုန်မှာ နေတယ်၊ နိုင်ငံခြား သွားတယ် ဆိုတာနဲ့ ရမ်းစမ်းပြီး အထင်ကြီး ပစ်တတ်ကြတဲ့ အစွဲလေးတွေ တော့ ရှိဆဲ ပါပဲ။
စီးပွားရေး
ဝန်ထမ်းမြို့လေးဆိုတော့ စီးပွားရေးကို ဒီလောက်ကြီး အားစိုက် ခွန်စိုက် လုပ်ကြတဲ့သူတွေ မရှိလှပါဘူး။
ယင်းမာပင်ကနေ ညောင်ပင်ကြီးအထိ ပြေးဆွဲပေးနေတဲ့ "ရွှေယင်းမာ ကားလေး အသင်း"ဟာ
အခုနောက်ပိုင်း လုံးဝပျက်သလောက် ဖြစ်သွား တယ်။ ပုလဲမြို့နယ်ကားအသင်းတွေက ပုလဲကနေ မန္တလေးအထိ မှန်လုံ ကားတွေနဲ့ တိုက်ရိုက်ပြေးဆွဲ လိုက်တာကြောင့် ဘယ်လိုမှ မယှဉ် နိုင်ဘူး ဖြစ်ကုန်တယ်။
ဒါကြောင့် ကားပိုင်ရှင်တွေလည်း ကုန်တင် ကားတွေဖက် ဦးလှည့်တဲ့သူ လှည့်၊ မှန်လုံကားတွေ ထပ်ဝယ်တဲ့သူ ၀ယ် ဖြစ်ကုန်တယ်။
၂၀၀၄ခုနှစ် လောက်ကစပြီး ဓာတ်ဆီဆိုင်တွေကို အရှေ့ဖက် မြို့အ၀င် မှာ စနစ်တကျ ဖွင့်လှစ်နိုင်ခဲ့တယ်။ ( ဆိုင်ကယ်တွေကို အိမ်တိုင်းနီးပါး ၀ယ်နိုင် လာကြတာရဲ့ အကျိုးဆက်တစ်ခုပေါ့။ အဲဒါရဲ့ နောက်ဆက်တွဲ တစ်ခုက ဆိုင်ကယ်ဝပ်ရှော့တွေပါ ပေါ်လာ တာပါပဲ။)
အရင်က မန္တလေးနဲ့ မုံရွာကုတ် လိုင်းဖုန်းတွေကို သုံးနေရာ ကနေ GSMဖုန်းဆိုင်တွေ ပေါ်လာတယ်။ (အခုဆို ပြည်ပခေါ်ဆို မှု့တွေ အထိ လွယ်သွားပြီ။)
နှစ်ပေ၊ ရှစ်ပေစလောင်းတွေကိုလည်း အိမ်တွေ အတော် များများ မှာ ၀ယ်တပ်လာကြတယ်။
နောက်... ရေခဲသေတ္တာ၊ မီးအား မြင့်စက်၊ မီးစက်၊ အင်ဗာတာ တွေကိုလည်း သုံးစွဲလာကြတယ်။ လူနေမှု့ အဆင့်အတန်း အနည်းငယ် မြင့်တက်လာတဲ့ ပုံစံမျိုးပါ။
နှင်းဆီပန်းကို အဓိကထား စိုက်ပျိုးကြတဲ့ စိုက်ပျိုးရေးခြံ တွေကို အခု နောက်ပိုင်းမှာ လုပ်ကိုင် လာကြတယ်။ နောက် - - - ရေထွက် သိပ်မကောင်းတဲ့ ရေကန်တွေမှာ ငါးမွေးတာကိုလည်း လုပ်ကိုင် လာကြတယ်။
အခြား ကြက်မွေးမြူရေးတို့ ၊ ကွမ်းစိုက် တာတို့ လည်း လုပ်နေကြဆဲ ပါပဲ။
နောက် ... သိသိသာသာ တိုးလာတာကတော့ လက်ဖက် ရည်ဆိုင် တွေ နဲ့ စိုက်ပျိုးရေးဆေးပစ္စည်းဆိုင် တွေပါပဲ။ ဒီဂျစ်တယ် ဓါတ်ပုံဆိုင်၊ ကွန်ပျူတာ စာစီနဲ့ မိတ္တူဆိုင်တွေပါ တွေ့လာ ရပါပြီ။
ဘာသာရေး
ယခင်က ဇောတိကကျောင်း၊ ရေ၀န်းကျောင်း၊ မာန်ဘရာ ကျောင်း၊ သီးပင်ကျောင်း ဆိုပြီး ဘုန်းကြီးကျောင်း (၄) ကျောင်းပဲ မြို့ပေါ်မှာ ရှိခဲ့တယ်။ ဦးစံပေါကျောင်း နဲ့
မိုးကုတ်ဝိပါဿနာကျောင်း တွေကို ထည့်မတွက်ဘူး ဆိုရင်ပေါ့ ---။
နောက်ပိုင်းမှာ ဦးစံပေါကျောင်းကို "တောရကျောင်း"လို့ အမည် ပြောင်းပြီး မယ်သီလရင် ကျောင်းတစ်ခုကိုပါ အဲဒီနားမှာ ထပ်ပြီး တည်ဆောက်ခဲ့ ပါတယ်။
မိုးကုတ် ၀ိပဿနာ ကျောင်းတိုက် ကတော့ သံတံတားကြီး အနောက်ဖက်ကနေ အရှေ့တိုးချဲ့ဖက် ကို ရွေ့သွားခဲ့ပါတယ်။
ထပ်ပြီးပေါ်လာတဲ့ ဘုန်းကြီးကျောင်းကတော့ "ရွှေပေါက်ပင် တောရ ကျောင်းတိုက်" ပါပဲ။ (နေရာက မြို့အ၀င် ပေါက်ပင်ကူး တံတား အရှေ့ဖက်နားလေး မှာပါ။) ဒီကျောင်းတိုက်ကို ယခင်
"ဇောတိက ကျောင်းတိုက်" ကျောင်းထိုင်ဆရာတော် ဦးဌေးယျ ကပဲ တည်ထောင် သွားခဲ့တာပါ။ အဲဒီကျောင်းနဲ့ မျက်နှာချင်းဆိုင် လမ်းတစ်ဖက် မှာတော့ မယ်သီလရင် ကျောင်းတိုက်
တစ်ခု ထပ်ရှိပါသေးတယ်(နေရာ အတိအကျ ဆိုရင်တော့ ပေါက်ပင်ကူး မြို့ဦးစေတီနဲ့ ကပ်ရက်ပေါ့)။
ဒါကြောင့် ယင်းမာပင်မြို့ပေါ်မှာတင် မယ်သီလရင် ကျောင်းတိုက် (၂)ခု ရှိနေပြီ ဖြစ်ပါတယ်။ မြို့ပေါ်ကျေးရွာ နဲ့ ပြောင်းပြာကျေးရွာ ကြားမှာတော့ နောက်ထပ် မယ်သီလရင် ကျောင်းတိုက် တစ်ခု ရှိပါသေးတယ်။
မြို့နယ်တွင်းမှာလို့ ပြောရင်တော့ မယ်သီလရင် ကျောင်းတိုက် (၃)တိုက် ရှိသွားပြီ လို့ ပြောနိုင်ပါတယ်။
အခြားဘာသာဝင်များ အနေနဲ့ က-ရပ်ကွက်(ကုလားတန်း) ဘက်မှာ တော့ အစ္စလမ်ဘာသာ ဘုရားဝတ်ပြုကျောင်း (ဗလီ) တစ်ခု ရှိပါတယ်။ ဂ-ရပ်ကွက်(တိုးချဲ့) ဖက်မှာလည်း သာသနာ ပြုနေတဲ့ ခရစ်ယာန်
သာသနာပြုအဖွဲ့ တစ်ဖွဲ့ ရှိပါတယ်။
![Mail to Daywalker[soul]:](mydaywalker_files/SENDEMAIL.gif)
