ချင်းတွင်းမြစ်ကူး မုံရွာဇက်ကူးတို့ဆိပ်
Wednesday, August 27, 2008
ချင်းတွင်းမြစ်ကူး မုံရွာဇက်ကူးတို့ဆိပ်တွင် ကိုယ်ပိုင်ယာဉ်ငယ်များ သွားလာမှု့ လျော့ကျသွားသော်လည်း ကုန်တင်ယာဉ်ကြီးများ အဓိကကူးသန်း သွားလာနေဆဲ ဖြစ်ကြောင်း မုံရွာဆိပ်ကမ်း ရွှေလွန်းပျံ ဇက်လုပ်ငန်း မှ သိရှိရသည်။
လက်ရှိအချိန်တွင် ပွင့်လင်းရာသီ ရောက်ရှိပြီဖြစ်၍ ကူးသန်းသွားလာမှု ပိုမိုလာခဲ့ပြီး ဇက်ပြေးဆွဲခြင်း လုပ်ငန်းကို နံနက် ၆ နာရီမှ ညနေ ၆ နာရီအထိ ဇက်ကြီးနှစ်ခေါက်၊ ဇက်လေးနှစ်ခေါက် ပုံမှန် ပြေးဆွဲပေးနေကြောင်း သိရှိရသည်။
"ဇက်ကြီးဆိုရင် ကားကြီးခုနစ် စီးဆံ့ပါတယ်။ ဇက်လေးကတော့ သုံးစီးပဲဆံ့တယ်။ တစ်ဖက်ကမ်းက ကားပြည့်လို့ ဇက်စထွက်တာနဲ့ ဟိုဘက်ကမ်းက ဇက်ကိုလည်း ဒီဖက်ကို မောင်းစေပါတယ်။ ဇက်ထွက်ချိန်ကို ကန့်သတ်မထားပေမဲ့ တစ်ခါတလေ တစ်စီးထဲနဲ့လည်း ပို့ပေးပါတယ်။ ခုချိန်မှာ မနက် ၆ နာရီကနေ ၁၀ နာရီလောက်အထိကတော့ ကားတွေ တန်းစီနေရတယ်။ မွန်းလွဲပိုင်း ရောက်မှ နည်းသွားတော့တာပါ " ဟု ရွှေလွန်းပျံ ဇက်လုပ်ငန်းမှ တာဝန်ရှိသူ တစ်ဦးက ပြေပါသည်။
ယခင်က ဇက်များဖြင့်သာ သွားလာခဲ့ရသော ကိုယ်ပိုင်ယာဉ်ငယ် အများစုမှာ ၂၀၀၃ ခုနှစ်အတွင်း ဖွင့်လှစ်ခဲ့သော ချင်းတွင်းတံတား(မုံရွာ) မှ ဖြတ်သန်းသွားလာမှု များပြား လာပြီး တချို့ကားငယ်များသာ ဇက်ဆိပ်မှ ဇက်များဖြင့် သွားလာကြောင်း တွေ့ရသည်။
မုံရွာမှ ချင်းတွင်းမြစ်ကို ဖြတ်ကူး၍ ညောင်ပင်ကြီးဆိပ် မှတစ်ဆင့် ဆားလင်းကြီး၊ ယင်းမာပင် ၊ ပုလဲ၊ ဂန့်ဂေါ ၊ ဟားခါး၊ ဖလမ်းသို့ လည်းကောင်း၊ ထီးလင်း၊ ပေါက် ၊ ပခုက္ကူ လမ်းမှ ပုသိမ်-မုံရွာလမ်းမကြီးသို့ လည်းကောင်း သွားလာ နိုင်သည်။ ချင်းတွင်းတံတား (မုံရွာ)မှာ မုံရွာဘက် အလုံ-မင်းဒေါင့်ဖက်ကမ်း နှင့် တစ်ဖက်ကမ်း လက်ခုပ်ပင်တို့ကို ဖြတ်ကူးထားသော ကားလမ်းတံတားကြီး ဖြစ်ပြီး မုံရွာ-ယာကြီး-ကလေးဝ လမ်းမကြီး နှင့်ဆက်စပ်သော အိန္ဒိယ-မြန်မာ အာရှလမ်းမကြီး၏ အဓိကကျသာ တံတားကြီးတစ်စင်း ဖြစ်ကြောင်း သိရှိရသည်။
သတင်းတင်ပြသူ - မင်းသန့်
Via:http://www.weeklyeleven.com (WeeklyElevenNews ဂျာနယ်)
Labels: သတင်း
| Permalink | Comments
| links to this post
Yinmarbin in Wiki
Sunday, August 24, 2008
ဒီနေ့တော်တော် ဝမ်းသာ ကျေနပ်မိပါတယ်၊ ဘာဖြစ်လို့လဲ ဆိုတော့ ယင်းမာပင်ဆိုတာကို အင်တာနက်မှာ ရှာတွေ့လို့ ဝမ်းပမ်းတသာ လာပြောပေးကြတဲ့သူတွေ ရှိလာလို့ပါ။ ဘာပဲဖြစ်ဖြစ်ပါ ....ကျွန်တော့် ဒီစာမျက်နှာလေးကို လူမသိတောင် အတတ်နိုင်ဆုံး၊ အကောင်းဆုံး ကြိုးစားရေးသွားမှာပါ။ ဒီစာမျက်နှာကို နောင်မှာ တစ်ခုခု အသုံးဝင်နိုင်တဲ့ အဆင်ထိ မရောက်တောင် ကိုယ့်မြို့လေးကို အင်တာနက်မှာ ရှာတွေ့ရတဲ့ ခံစားမှု့လေးကို ကျွန်တော် အရမ်း နှစ်ခြိုက်ပါတယ်။ အားလုံးလည်း ၀ိုင်းဝန်း အကြံပေးဆွေးနွေး နိုင်ပါတယ်။
ခုလောလောဆယ် မှာ ကျွန်တော်ကိုယ်တိုင်လည်း Thesisတွေ အတွက် အလုပ်ရှုပ်နေလို့ သိပ်မရေးဖြစ်တာပါ၊ နောက် သမိုင်းကြောင်း အကိုးအကား တွေလည်း စုစောင်းနေပါတယ်။ ဘလော့ဆိုပြီး လွယ်လွယ်ကူကူ ချရေးလိုက်တာမျိုးကို ကျွန်တော် မလုပ်ချင်ပါ။ ယင်းမာပင်နဲ့ ပတ်သက်ပြီး စာအုပ်စာတမ်းများ ရှိပါက ကျွန်တော့်အီးမေးလ်ဆီကို ပို့ပေးစေလိုပါတယ်၊
မြန်မာဝီကီ မှာလည်း ယင်းမာပင်မြို့ နဲ့ ယင်းမာပင်မြို့နယ် အကြောင်းကို ကျွန်တော် သွားရောက် ရေးသား ထားပါတယ်၊
အသေးစိတ် ထပ်မံ ဖြည့်စွက်ချင်သူများ အနေနေနဲ့ ဒီမှာ သွားပြီး ရေးသားနိုင်ပါတယ်။
ဒီနေရာမှာ ဝီကီပီဒိယ ဆိုတာကို အနည်းငယ် ပြောချင်ပါတယ်။ အကြောင်းအရာ အားလုံးကို ဝီကီမှာ ရှာလို့ရတယ် ဆိုတာလောက်တော့ အားလုံး သိပြီးသား ဖြစ်မှာပါ။ ဒါပေမယ့် အဒီအကြောင်းအရာ တွေကို ဘယ်သူတွေက ရေးသားခဲ့လဲ ဆိုရင်တော့ အသုံးပြု ရှာဖွေသူတွေ ကိုယ်တိုင် ရေးသားခဲ့ကြတာ ဖြစ်ပါတယ်။ (ဥပမာ-ပြောရရင် ကျွန်တော်က ယင်းမာပင်မြို့နယ်အကြောင်းကို အဲဒီမှာရေးထားပါတယ်၊ ဝင်ရှာတဲ့သူက အဲဒီလို ရေးသားထားတာကို တွေ့ပါတယ်၊ နောက် သူသိတဲ့ ယင်းမာပင်မြို့နယ်ထဲက ရွာသာယာကျေးရွာ အကြောင်းကို ထပ်ဖြည့်စွက် သွားပါတယ်။ အဲဒီလိုရေးသားဖို့ လူတိုင်းကို ခွင့်ပြုပါတယ်၊ Register လုပ်သည် ဖြစ်စေ၊ မလုပ်သည် ဖြစ်စေ ဝင်ရောက်ရေးသားနိုင် ပါတယ်။)
အဲဒီလို ရေးသားကြရာကနေ အကြောင်းအရာ အချက်အလက်တို့ စုံလင်ပြည့်စုံ လာပါတယ်။ မြန်မာနိုင်ငံအနေနဲ့ ခုမှစတာမို့ အကြောင်း အရာတွေ အများကြီး ဖြည့်စွက်ရေးသားကြဖို့ လိုအပ်နေပါ သေးတယ်။ ယင်းမာပင်ဆိုတဲ့ အကြောင်းအရာမှ မဟုတ်ပါဘူး၊ အခြား ကိုယ်ကျွမ်းကျင်တတ်သိရာ အကြောင်းအရာ များကိုလည်း ရေးသားနိုင်ပါတယ်။
ကျွန်တော့်ရဲ့ အိမ်နီချင်းမြို့နယ်တွေ ဖြစ်တဲ့ ပုလဲမြို့နယ်၊ ကနီမြို့နယ် နဲ့ ဆားလင်းကြီးမြို့နယ်က သူငယ်ချင်းများ ခင်ဗျား ....၊ မိမိတို့ရဲ့ မြို့နယ်များ အကြောင်းကို ရေးသားပေးကြပါ၊ အဲဒီစာမျက်နှာတွေဟာ ခုထက်ထိ ဘယ်သူမှ မရေးကြသေးလို့ ကွပ်လပ်တွေ ဖြစ်ကျန်နေပါတယ်။ ဒီမှာ သွားရေးပေး ကြပါခင်ဗျာ ......ပုလဲမြို့နယ် [ ရေးရန် ] ၊ ဆားလင်းကြီးမြို့နယ် [ ရေးရန် ] ၊ ကနီမြို့နယ် [ ရေးရန် ] ။ လာရောက် ဖတ်ရှု့ပေးတဲ့သူတွေ အားလုံးကို ကျေးဇူး အထူး တင်ရှိပါတယ် . . . .
ဖြည့်စွက် [25-8-08]: မြန်မာဝီကီမှာ ရေးသားဖို့ ဘာမှ စိုးရိမ်းကြောင့်ကြ ဖြစ်စရာ မရှိကြောင်းပါ။ ကျွန်တော်လည်း ပထမ သူ့ Flow ကို မသိဘဲ ဒီဘလော့မှာ ရေးတဲ့ ပုံစံအတိုင်း စကားပြောဟန် စွက်နေတဲ့ အရေးအသားမျိုးနဲ့ ဝင်ရေးမိပါတယ်။ ကျွန်တော် ရေးလိုက်တာက ယင်းမာပင်မြို့အကြောင်း တစ်ခုတည်းသာ ဖြစ်ပါတယ်၊ ဒါပေမယ့် အဲဒီကနေ ဆင့်ပွားပြီး ယင်းမာပင် မြို့နယ်ဆိုတဲ့ ခေါင်းစဉ်နဲ့အတူ အခြား ကနီမြို့နယ်၊ ဆားလင်းကြီးမြို့နယ်၊ ပုလဲမြို့နယ် ဆိုတာတွေ ထပ်ပေါ်လာအောင် သူတို့က ပြင်ဆင်ပေးလိုက်တာ ဖြစ်ပါတယ်။ အတတ်နိုင်ဆုံး ကိုယ့်ဘာသာကိုယ် လုပ်တာကတော့ အကောင်းဆုံးပါ။ ဒါပေမယ့် ကိုယ်မလုပ်တတ်လို့ အလွဲအချော် တစ်ခုခု ရှိခဲ့ရင်တောင် အားလုံးက ပြင်ဆင်ပေးသွားမှာ ဖြစ်ပါတယ်။ ဘာမှ စိတ်ပူမနေပါနဲ့၊ ရဲရဲကြီးသာ ဝင်ရေးလိုက်ပါ။ (ကိုယ်ရဲ့ အကောင်းဆုံး ကြိုးစားမှု့တော့ ဖြစ်ပါစေ)
| Permalink | Comments
| links to this post
ကစားဖော်ကစားဖက်တွေ
Thursday, August 21, 2008
လူအများစုက အညာနဲ့ပတ်သက်လာရင် အညာနဲ့ထနောင်းဆိုပြီး တွဲသိကြတာများပါတယ်၊ အပူပိုင်း ဒေသဆိုတော့ ထနောင်းလို ဆူးပါတဲ့အပင်မျိုးတွေပဲ ပေါက်လိမ့်မယ်လို့ ထင်မယ်ဆိုလည်း ထင်ချင်စရာပါပဲ။ ချွင်းချက်တော့ ရှိပါတယ်၊ ဆူးမပါပေမယ့် အညာမှာ ရှင်သန်နေနိုင်တဲ့ အပင်အချို့တော့ ရှိပါတယ်။ ပြောရရင် ထနောင်းပင်တွေ ထက်ကို ပိုများပါလိမ့်မယ်။ အဲဒါကတော့ တမာနဲ့ မန်ကျည်း ပင်တွေပါပဲ။
တခြား အညာဒေသတွေမှာတော့ ဘယ်လိုရှိလဲ မပြောတတ်ဘူး၊ ယင်းမာပင်မြို့နယ် တစ်ဝိုက်မှာတော့ တမာပင်တွေက အများဆုံးပါ၊ နောက်... မာန်ကျည်းပင်တွေပေါ့။ တမာပင်တွေ အကြောင်းတော့ ခဏ ထားလိုက်ပါဦး...
မာန်ကျည်းပင်တွေနဲ့ ပတ်သက်ပြီး " နွေ ထနောင်း၊ ဆောင်း မန်ကျည်း " ဆိုတဲ့ အညာဆိုးရိုး တစ်ခု ရှိတယ်ဗျ။ အဓိပ္ပါယ်က "နွေမှာဆို ထနောင်းပင်ရိပ်က အေးစေတယ်၊ ဆောင်းမှာဆို မန်ကျည်းပင်ရိပ်က နွေးစေတယ်" တဲ့ ။ ကျွန်တော့် အဘွားကတော့ မန်ကျည်းပင်ကို အိမ်အမြင့်ထက် ဘယ်တော့မှ အကျော်မခံဘူး၊ အမြဲခုတ်ပစ်တာ ချည်းပဲ ... ။ မန်ကျည်းဆိုတာ "မာန်ကြီးတဲ့ အပင်"တဲ့၊ ဒါကြောင့် အိမ်ထက်ကျော်အောင် မြင့်သွားရင် အိမ်ခိုက်တတ်တယ် လို့လည်း အမြဲပြောလေ့ ရှိတယ်။
အိမ်ခိုက်တယ်ဆိုတာ ဟုတ်၊မဟုတ်တော့ သေချာမသိဘူး၊ ဒါပေမယ့် သေချာတာကတော့ မန်ကျည်း ပင်က အိမ်ထက်ကျော်သွားရင် အိမ်အမိုးပျက်ဖို့ ရာခိုင်နှုန်း ပိုများလာတာပဲ။ မန်ကျည်းရွက်ကြွေ တွေက အိမ်မိုးပေါ်ကျပြီး မိုးရွာလည်း ရေနဲ့ အောက်ဆင်း မသွား တော့ဘူး (မန်ကျည်းရွက်တွေက သေးတာကြောင့်လည်း ပါလိမ့်မယ်) ။ ဒါနဲ့ တဖြည်းဖြည်းနဲ့ အမိုးက ဆွေးလာရော ၊ အိမ်မိုးက သွပ်မိုးဆိုရင်တော့ တော်သေးတယ်၊ ဒါပေမယ့် ကြာရင် သူလည်း သံချေးတက်လာတာပါပဲ...။
မန်ကျည်းပင်နဲ့ ပတ်သက်တာ ပြန်တွေးကြည့်ရင် ငယ်ငယ်တုန်းက သူ့အရိပ်အောက်မှာပဲ နွေရာသီ ကျောင်းပိတ်ရက်တွေ ကုန်သွားတာ များတယ်။ ခုတော့ ငယ်ငယ်တုန်းက ဆော့ခဲ့တဲ့ မန်ကျည်းပင် ကြီးတွေ မရှိတော့ပါဘူး...၊ အိမ်တွေ ဖြစ်ကုန်ကြပြီ။ "နွေ ထနောင်း၊ ဆောင်း မာန်ကျည်း" လို့သာ ပြောတာ မာန်ကျည်းပင်ရိပ်ကလည်း အေးတော့ အေးတာပါပဲ။ ကလေးဘ၀နဲ့ မန်ကျည်းပင်တွေ နဲ့က ကစားဖော် ကစားဖက်ဗျ ...။ မန်ကျည်းသီး ခူးတယ်၊ မန်ကျည်းရွက် ခူးတယ်၊ မန်ကျည်းခေါက် ၀ါးတယ်၊ မန်ကျည်းစေ့ တောက်တယ်။ တူတူပုန်းတမ်း ကစားတယ်၊ ကုန်းနဲ့ ရေ ကစားတယ်။ အား.... လွမ်းစရာချည်းပဲ ......
မန်ကျည်း
/ magyi: / n tamarind tree. Tamarindus [Per tamar-i-Hindi]
မန်ကျည်း ပနီ
/ magji: pani / n variety of temarind tree having red-tinged flowers,leaves and bark.
မန်ကျည်းပင်မှာမှ အမျိုးမျိုး ရှိသေးတယ်ဗျ၊ ကျွန်တော် သိသလောက်တော့ အနီ (မန်ကျည်းနီ) ဆိုတာ ရှိတယ်။ ဒီအပင်က ပုံပမ်းကြည့်ရင် သိပ်မသိသာလှဘူး၊ အပွင့်ပွင့်တဲ့ အချိန်နဲ့ ရွက်နုထွက်ချိန်မှ သိသာတာ၊ သူက အနီရောင်လေးတွေ ပိုများတယ်။ သာမာန် အပင်တွေက အ၀ါရောင်နဲ့ ပန်းရောင်ပြေးလေးတွေပဲ ထွက်တာ...။
နောက်တစ်မျိုးက အချိုနဲ့ အချဉ် လို့ ကျွန်တော်တို့ ကတော့ ခွဲတယ်ဗျ၊ မာန်ကျည်း အချိုပင်က အချဉ်ဓာတ် နည်းတယ်၊ ဒီတော့ ချိုသလိုလိုလေး ဖြစ်နေတယ်။ အချဉ်ပင်ကတော့ တစ်ကိုက်နဲ့တင် မျက်နှာတစ်ခုလုံး ရှုံးတွလာစေတဲ့ အမျိုးဗျ....။ ငယ်ငယ်တုန်းက မန်ကျည်းပင်ပေါ် တက်ခူးတဲ့ ကောင်က အချဉ်သီးတွေ ဖွက်ယူပြီး တက်သွားတတ်တယ်၊ ပြီး.... ဆင်းလာရင် အချိုဆိုပြီး လိမ်ကျွေးရော .... ဟား ... ဟား ... သတိရလို့ပါဗျာ....။
မန်ကျည်း ကြက်ဆူ
/ magji: kje' hsu/ n nearly ripe tamarind fruit.
နောက်ထပ် အခေါ်တစ်မျိုး ရှိသေးတယ်ဗျ၊ " ကြက်ဆူသီး " တဲ့။ မန်ကျည်းသီးကိုမှ မှည့်လည်း မမှည့်သေးဘူး၊ စိမ်းလည်း မစိမ်းတော့ဘူး ဆိုတဲ့ အနေအထား ရောက်နေတဲ့ အသီးကို ခေါ်တာပါ။ အဲဒါက စားလို့လည်းကောင်းတယ်ဗျ၊ ပြီးတော့ မန်ကျည်းသီး အခွံနဲ့ အသားကြားမှာ နည်းနည်းလေး ကွာနေလို့ အခွံခွာရတာလည်း လွယ်တယ်။
မန်ကျည်းရွက်နုလေးတွေ ထွက်လာရင် ဒီအတိုင်းခူးပြီး ဆားနဲ့ တို့စားတယ်။ နောက် လူကြီးတွေလို ကွမ်းယာစားတယ် ဆိုပြီး မန်ကျည်း ကိုင်းဖျား နားလေးက အခေါက်ကို ခွာပြီး စားရင်လည်း စားကြတယ်၊ သူက နည်းနည်းဖန်ပြီး ထွေးထုတ်လိုက်ရင် ကွမ်းယာလို အနီရောင် ထွက်တယ်။
လူကြီးတွေမသိအောင် အပင်ပေါ်တက်ပြီး တူတူပုန်းတမ်း ကစားရ တာလည်း ပျော်စရာပဲ .....။ ဘာဖြစ်လို့လည်းတော့ မသိဘူး၊ တစ်ယောက်မှာတော့ ပြုတ်မကျခဲ့ ကြဘူး။ အဲဒီလို အဆော့ကောင်းလို့လည်း ဆော်ပလော်တီးခံရတာလည်း မနည်းဘူး...။ အား.... ဒါတွေက ခုတော့လည်း ပြန်ပြောရင် ရီစရာလိုလို ..... ကြည်နူးစရာလိုလို.... လွမ်းစရာလိုလို .....
အရင်တစ်ခေါက် အိမ်ပြန်တော့ အိမ်နားက မန်ကျည်းပင်ကို မော့ကြည့်မိတယ်၊ နွေက အရင်ထက် ပိုပူလာလို့ပဲလား ...၊ မိုးကပဲ ပိုနည်းလာတာလား ....၊ ခုတ်စရာတောင် မလိုတော့ဘူး ဖြစ်နေတယ်။
အင်း...၊ အညာကပဲ ပိုပီပြင်လာတာလား ....
ကမ္ဘာကြီး ကပဲ ပိုပြီး ပူနွေးလာတာလား ...
အဘွားရဲ့ "မာန်ကြီးတဲ့ အပင်တွေ" ကိုယ်တိုင်ကိုက မာန်လျော့ ကုန်ကြတာလား ...
အော်... ငယ်ငယ်တုန်းက ကစားဖော် ကစားဖက်တွေ .....
Labels: ယင်းမာပင်, သဘာဝသစ်ပင်များ
| Permalink | Comments
| links to this post
ပြာပုံရှင်မ
Saturday, August 16, 2008
ယင်းမာပင်မြို့ ကနေ အလောင်းတော် ကဿပ သို့ သွားရာ လမ်းတွင် ပင်တောင်လေး၊ ပင်တောင်ကြီး၊ နေမြင်တောင်၊ မဟူတောင်၊ ပြာပုံတောင် စသော တောင်များကို ဖြတ်ကျော်ကာ သွားရသည်။
မဟူတောင် - မဟူတောင်မှာ မဟူရာ ကျောက်များ ထွက်သည်၊ ၎င်း ကျောက်အစစ် ရလျှင် အဆိပ် အမျိုးမျိုး ကို နိုင်သည်ဟု ယူဆကြသည်။
မဟူတောင် - မဟူရှင်မ နတ်ကွန်းရှိသည်။
ပြာပုံတောင် - ပြာပုံတောင် တွင် မြေကြီးများမှာ ပြာသဏ္ဍာန် ပြာရောင် ရှိ၍ မြေပွ တစ်မျိုး ဖြစ်၏။ ထိုတောင်တွင် အလွန် ထင်ရှားသော ပြာပုံရှင်မ နတ်ကွန်လည်း ရှိသည်၊ ပြာပုံရှင်မ ဟူသည် ဗန့်ဂျီတိုက်နယ် အတွင်းရှိ ယင်းမာပင်မြို့ အနောက်ဖက်ရှိ ပြောင်းပြရွာသူ မယ်ဖြူ ဖြစ်သည်။ မယ်ဖြူ၏ အမိမှာ လင်ရှိသူ မဟုတ်ဘဲ ခါချဉ်အနက် ကိုက်၍ သန္ဓေ ရသည် ဟု ဆို၏။ (စဏ္ဍပဇ္ဇောတ မင်း၏ မယ်တော်မှာ ကင်းမြီးကောက် ဗိုက်ပေါ်တက်၍ သန္ဓေရသည် ဟု ကျမ်းဂန်များတွင် တွေ့ရ၏၊ ယခုလည်း ထိုနည်း အတူပေါ့။)
ထိုအခါ လက်တောင်းကြီးရွာ မောင်ဖြစ်သူက လင်မရှိဘဲ သန္ဓေရသည်ကို ရှက်၍ မခေါ်မပြောဘဲ အဆက်အသွယ် ဖြတ်ထားခဲ့ လေသည်။ မယ်ဖြူကို မွေးပြီး၍ ကင်ပွန်းတပ် သောအခါ မယ်ဖြူအမေက မောင်ဖြစ်သူကို ဖိတ်လေ၏။ သို့သော် မောင်ဖြစ်သူက မလာချေ၊ မောင်မလာ၍ စိတ်နာပြီး မုန့်တွေကို အနီးရှိ ချောင်းထဲသို့ ပစ်ချလိုက်သည်။ ထိုချောင်းကို ယခုတိုင် မုန့်ပစ်ချောင်းဟု ခေါ်တွင်လျက် ရှိသည်။
မယ်ဖြူ အရွယ်ရောက် လာသောအခါ အလွန်လှပ သဖြင့် အဆက်ဖြတ် ထားသော ဦးလေးကပင် ချစ်ခင် သဘောကျ၍ မိမိ၏သားနှင့် လက်ဆက်ရန် အကြောင်းကြား လာရာ အမဖြစ်သူက စိတ်နာထား သဖြင့် သဘောမတူကြောင်း အကြောင်းပြန် လိုက်လေသည်။ ထိုအခါ မောင်ဖြစ်သူက စိတ်ဆိုး၍ မနာလို ဖြစ်ကာ ဘုရင် ကျန်စစ်သား ထံသို့ ပြောင်းပြာရွာတွင် မယ်ဖြူဆိုသူ မိန်းမချော တစ်ယောက် ရှိကြောင်း လျှောက်ထားလေသည်။
ဘုရင်က ရွေးကောက်မည် ပြုရာ မယ်ဖြူ၏ အမေက မောင်ဖြစ်သူ လုပ်ရပ် မအောင်မြင် စေလိုသည်က တစ်ကြောင်း၊ ဘုရင်နှင့် မဆက်ဆံ လိုသည်က တစ်ကြောင်း အင်္ဂါမစုံလျှင် မင်းကောက်မည် မဟုတ်ဟု အကြံဖြစ်ပြီး မယ်ဖြူ၏ လက်ညှိုးကို ပါးစပ်နှင့် ကိုက်ဖြတ် ပစ်လိုက်လေသည်။
ဘုရင်မင်းကောက်ယူသော အခါ အင်္ဂါမစုံ၍ အိမ်နိမ့်တွင် ထားပြီး လျစ်လျူရှု့ ထားရာ ကွမ်းရေတော် မောင်ငို ဆိုသူနှင့် ရည်ငံ မိကြကာ ရွာသို့ ပြန်ထွက်ပြေး လာကြသည်။ မင်းပြစ် မင်းဒဏ်ကို ကြောက်သော ရွာသူ ရွာသားများ နှင့် မိခင် တို့က လက်မခံ၍ အခြားအရပ်သို့ ထွက်ပြေးရင်းနှင့် ပြာပုံတောင်သို့ ရောက်လာကြ၏။
မယ်ဖြူသည် ယခုဘ၀သို့ မရောက်ခင်က ပြာပုံတောင်တွင် နတ်ဖြစ်ဖူးသည်၊ အဖော်နတ်သမီးများက သူ၏ ဒုက္ခများကို မကြည့်ချင် သဖြင့် အသက်နှုတ်ယူ ထားလိုက်ရာ မယ်ဖြူသေ၍ ပြာပုံတောင်တွင် နတ်ပြန်၍ ဖြစ်လေသည်။ မယ်ဖြူသည် မိမိအဖြစ် မိမိ၏ရွာကို စိတ်နာ၍ ကျိန်ခဲ့သည် ဆို၏။ သူကျိန်ပုံမှာ "တစ်နှစ် သုံးသီးလည်း စားရပါစေ၊ အကြွေးကြီးလည်း တင်ပါစေ" ဟု ကျိန်ခဲ့ ခြင်း ဖြစ်သည်။ သူကျိန်ခဲ့သည့် အတိုင်းပင် ပြောင်းပြာရွာသည် တစ်နှစ် သုံးသီး စားရသော်လည်း ကြွေးမကင်း ဖြစ်ကြသည် ဆို၏။ ထူခြားချက်မှာ ပြောင်းပြာရွာတွင် သုံးနှစ်တစ်ကြိမ် မိန်းမချော တစ်ယောက် ပေါ်ထွန်းလေ့ ရှိပြီး၊ ထို မိန်းကလေး အရွယ်ရောက် လျှင် ပျက်ဆီးသွား တတ်ခြင်း ဖြစ်သည်။
မယ်ဖြူ ပြေးစဉ်အခါက "ငါပြန်လာမှ ကြီးရမယ်၊ သီးရမယ်" ဟု အဓိဋ္ဌာန် ပြု စိုက်သွားသော ပေပင်သည် ယခုအခါ ပြောင်းပြာ ရွာသူကြီး ဟောင်း ဦးကျော်၏ အိမ်တွင် တွေ့ရသည်။ ထိုပေပင်သည် အတန်ကြီးမား နေသည်ကို တွေ့ရသည်။
စကားချပ် - ပြာပုံရှင်မ၏ ထင်ရှားသော အခြားအမည် တစ်မျိုးမှာ "ပြာပုံ(၁၂)ကွေ့" လို့ ဖြစ်ပါတယ်၊ ဘာလို့ ခေါ်မှန်းတော့ ကျွန်တော်လည်း သေချာ မသိပါ။ စာအုပ်များမှာ "ပြောင်းပြရွာ" လို့ ရေးကြ သောလည်း ကျွန်တော်တို့ နယ်ကတော့ "ပြောင်းပြာရွာ" လို့ ပြောကြ၊ ရေးကြ ပါတယ်။ ပြာပုံရှင်မကို အဓိက ကိုးကွယ်သူများမှာ ထို ပြောင်းပြ ရွာသူ/သား များသာ ဖြစ်ပါတယ်၊ မိမိတို့ ဘိုးဘွားများ၏ အပြစ်ကို တောင်းပန်ခယ ကြခြင်း ဖြစ်ပါတယ်။ ယင်းမာပင်မြို့နယ် အနေနဲ့ အဓိကထား ကိုးကွယ်သော နတ်မှာ အမေရေယဉ်နတ် ( "အမေကြီး" လို့ ကျွန်တော်တို့ ကတော့ ခေါ်ကြ ပါတယ်) ဖြစ်ပါတယ်။ ယင်းမာပင်မြို့နယ် အတွင်းရှိ အခြားသော ကိုးကွယ် ယူဆမှု့များ ကိုလည်း အလျဉ်းသင့် သလို ဆက်လက် ရေးသား သွားပါမယ်။ ကျေးဇူး တင်ပါတယ် ......
Ref: အလောင်းတော် ကဿပသမိုင်း - အရှင် ဘဒ္ဒန္တဥတ္တရ
Labels: ကိုးကွယ်မှု့, အယူအဆ
| Permalink | Comments
| links to this post
ပြောင်းပြန် အချိုးများ
Friday, August 15, 2008
တို့ ငယ်ငယ်တုန်းကလို
"ဘွာတေး" ခေါ်ပြီး
ကျေရာ ကျေကြောင်း တွေ မရှိတော့ဘူး
နာကျင်းခြင်းမှာ ရက်စက်မှု့တွေ အထင်းသားမို့
လူကြီးဆန်ဆန် ခံစားပြီး
ကလေးဆန်ဆန် တုန့်ပြန်မှု့ပဲ ရှိတော့တယ်။
တို့ ငယ်ငယ်တုန်းကလို
"ငါးပြေမလား" "သက်သက်လား" တွေ
ခေတ်မစားတော့ဘူး
ဈေးကွက်မျှော် မေးထူးခေါ်ပြော တွေနဲ့
သချာင်္ရိပ် မကင်းတဲ့
ဆက်ဆံရေး အသစ်တွေပဲ ရှိတော့တယ် . . . ။
တို့ ငယ်ငယ်တုန်းကလို
တစ်ယောက် တစ်ခြမ်း အလေ့အထတွေ
မတွေ့ရတော့ဘူး
"ငါ့ဝမ်းပူဆာ မနေသာ" သီအိုရီကို ချချပြ
ကျက်သမျှ အကုန်စားပစ်တာပဲ ရှိတော့တယ်။
တို့ ငယ်ငယ်တုန်းကလို
အုန်းလက်နဲ့ လုပ်တဲ့ ဓားအတုခုတ်တမ်းတွေ
မကစားတော့ဘူး
အရှောင်အတိမ်း မကောင်းရင်
တစ်သက် နောင်ကျဉ်သွားရမယ့်
စိတ်ဓါတ်ခုတ်တမ်း ကစားပွဲတွေပဲ ရှိတော့တယ်။
တို့ ငယ်ငယ်တုန်းကလို
ဝမ်းနည်းတာကို မျက်ရည်များနဲ့
ကိုယ်စားမပြုတော့ဘူး
"အမိသော်လည်း သားတော်ခဲ" အခြေအနေမှာ
အချိသွားဖြဲနဲ့
မျက်ရည်မဲ့ ငိုခြင်းများပဲ ရှိတော့တယ် . . . ။
တို့ ငယ်ငယ်တုန်းကလို
အလျော်အစားကင်းတဲ့ ထမင်းပွဲတွေ
မရှိတော့ဘူး
မာန သိက္ခာတွေ တနင့်တပိုး စိုက်ထုတ်ခဲ့ရတဲ့
မသဒ္ဒါရေစာ ထမင်းပွဲများပဲ ရှိတော့တယ်။
တို့ ငယ်ငယ်တုန်းကလိုများ
ရိုးရိုးသားသား မှားခဲ့ပြီး
မရိုးမသား မမှားခဲ့ဖြစ်တာ ကြာပါပြီ . . . . ။
- ဖြိုးသာရ -
Via: သေတမ်းစာ - ဖြိုးသာရ+မောင်နွယ်အောင်(ဒဂုံဆောင်)
Labels: poem
| Permalink | Comments
| links to this post
ဖိုးဝန်းတောင်
Sunday, August 10, 2008
ယင်းမာပင်မြို့နယ်တွင် သမိုင်းဝင် ဖိုလ်ဝင်တောင်နှင့် အင်ကြင်းတောင် တို့၌ သမိုင်းအရ ထင်ရှားသော ဘုရား၊ စေတီများအပါအ၀င် ဘုရားစေတီ(၁၈၅)ဆူ တည်ရှိပါသည်။ ဖိုလ်ဝင်းတောင် ဘုရားစေတီများ အတွင်းတွင် ရှေးလက်ရာ နံရံဆေးရေး ပန်းချီများ၊ ပန်းပု လက်ရာများအပြင် သစ်သား တံခါးများ တွင်လည်း ရှေးလက်ရာ ပန်းပုများကို အလှဆင်၍ ချယ်မှုန်း ထုလုပ် ထားသည်ကို တွေ့ရှိ နိုင်ပါသည်။ ယင်းမာပင် မြို့နှင့် (၇)မိုင် ခန့်အကွာတွင် တည်ရှိ ပါသည်။ ဖိုလ်ဝင်တောင် ဘုရား ပွဲတော်ကို နှစ်စဉ် တန်ဆောင်မုန်းလဆန်း (၈)ရက်မှ လပြည့်နေ့အထိ စည်ကား သိုက်မြိုက်စွား ကျင်းပပါသည်။
(ဘုရား စေတီ အရေအတွက် မှာ ယခု မှတ်တမ်းတင် ထားသော အချက် အလက် များနှင့် ရှေးမှတ်တမ်း များပါ အချက် အလက်များ ကွဲပြား နေပါသည်၊ နှစ်ကာလ တိုက်စားမှု့ ကြောင့် ပျက်ဆီး ဆုံးရှုံးမှု များစွာ ရှိခဲ့ပါသည်။ ဘုရားစေတီများ အပါအ၀င် ဖိုးဝန်းတောင် သစ်တော ကြိုးဝိုင်း အတွင်း နေထိုင် ကြသော တိရစ္ဆာန် များ၏ ပျက်ဆီး ဆုံးရှုံးမှု့ သည် အများဆုံး ဖြစ်ခဲ့သည်။ အထူးသဖြင့် ယခင်က မျောက်များကို နေရာ အနှံ့ လက်ညှိုးထိုး မလွဲ တွေ့ရ သော်လည်း ယခု နောက်ပိုင်း တွင် အတော်ကလေး နည်းပါး သွားသည် ကို တွေ့ရ ပါသည်။ လူများနှင့် ယဉ်ပါးလွန်း နေပြီး ဖိုးဝန်းတောင် ဘုရား စေတီများ ကြားတွင် လှည့်လည် ကျက်စား နေကြသော မျောက်များအတွက် လျှပ်စစ်မီးများ တပ်ဆင်လိုက်စဉ်က ဆုံးရှုံးမှု့သည် အများဆုံး ဖြစ်ခဲ့ပြီး နောက်ပိုင်း တွင်လည်း တစ်တိတိ ကျဆင်းလျက် ရှိသည်။
ဖိုးဝန်းတောင်၏ ထူးခြားချက်မှာ ဖိုလ်ဝင်တောင် ဘုရားပွဲကာလ အတွင်း မျောက်များ လုံးဝ ပျောက်ကွယ် သွားတတ်ခြင်း ဖြစ်ပြီး ဘုရားပွဲ ပြီးလျှင် ပြန်ပေါ်လာ တတ်ခြင်း ဖြစ်ပါသည်၊ "ဖိုလ်ဝင်းတောင်ရှင်မ" က ဖွက်ထားသည် ဟု ကျွန်တော်တို့ ဒေသခံ များက ယူဆ ယုံကြည် ကြပါသည်။
"ဖိုးဝန်းတောင်" ဟု ခေါ်ကြ သော်လည်း အမှန်တကယ်မှာ ဖိုးဝန်းတောင် ဟူ၍ မရှိပါ။ တောင်များ အားလုံးကို စုပေါင်းပြီး ခေါ်လိုက်ခြင်း ဖြစ်ပါသည်။ ဖိုလ်ဝင်းတောင် တွင် ရှိနေသော တောင်များ၏ ပုံသဏ္ဍာန် မှာ ဘုရားရှင် ကိုယ်တော်မြတ်ကြီး လျောင်းတော်မူ နေသည့် ပုံဏ္ဍာန် ရှိနေ၍ ထိုအချက် ကလည်း အနည်းငယ် ထူးခြား သည်ဟု ပြောနိုင် ပါသည်။ ဖိုးဝန်းတောင် ရဲ့ ပုံတွေ ကိုတော့ ဒီနေရာ မှာ သွားကြည့် နိုင်ပါတယ်၊ Mr.Robinthon တင်ပေး ထားတာ လေးတွေပါ။)
ဘုရားပေါင်း (၄၄၆၄၄၄)ဆူ ရှိသည်ကို စွဲ၍ "ရွှေလသာ ၀ါဝါ၀င်း" ဟု ထင်ရှားစွာ အမှတ်အသား ပြုရသော ဖိုးဝန်းတောင်သည် အောက်ချင်းတွင်းခရိုင် မုံရွာမြို့တစ်ဖက်ကမ်း ညောင်ပင်ကြီးဆိပ်မှ ၁၄ မိုင်အကွာ တွင် တည်ရှိသည်။ ပထ၀ီဝင် သဘောအရ မြောက်လတ်တီတွဒ် ၂၂ံ ၁၃' အရှေ၏လောင်ဂျီ တွဒ် ၉၄ံ ၅၈' တည်ရှိသည်။ တောင်တန်းသည် ပေ ၉၅၀ ကျော် အမြင့်ရှိသော တောင်စဉ်တောင်တန်း ဖြစ်၍ တောင်ရိုး၏ ဘေးတစ်ဖက်တစ်ချက်တို့တွင်လည်း မနက်လွန်းသော ချောက်ကမ်းပါးများ ကျောက်တုံး ကြီးများ ရှိသည်။ တောင်၏ ပတ်ပတ်လည်၌ ချောက်ကမ်းပါးများ ဖြစ်၍ တောင်ထိပ်တွင် ညီညာ၍ ကုန်ပြင် မြင့် သဏ္ဍာန် ရှိသည်။ ဖိုးဝန်းတောင်သည် ယင်းတောင်၏ အနောက် ဘက် တောင်ကမ်းပါးပြတ် တို့၌ တည်ထားသော ဘုရားများနှင့် ထုထွင်း ပြုလုပ် ထားသော ရှေးမြန်မာ ကျောက်ဆစ်လက်ရာများ ကြောင့် ကျော်ကြားခြင်း ဖြစ်သည်။
ရသေ့ရဟန်း သူတော်စင်တို၏ တရားအားထုတ်ရာ နိဗ္ဗန်ဖိုလ်ဝင်ရာ တောင်ဖြစ်သဖြင့် ဖိုလ်ဝင်တောင်ဟူ၍ လည်းကောင်း၊ ၀ိဇ္ဇာဇော်ဂျီတို့ ထွက်ရပ်အတွက် ဖိုထိုးရာ ဖိုဝင်ရာဖြစ်၍ ဖိုဝင်တောင်ဟူ၍ လည်းကောင်း၊ တောင်ပေါ်မှ ဘုရားများကို ဘုရင်နှင့်တကွ စစ်သည်ဗိုလ်ပါ အလုံးအရင်း တို့ ၀ိုင်းဝန်းတည်ထွင် ကုသိုလ်ပြုခဲ့ကြခြင်းကို အကြောင်းပြု၍ ဗိုလ်ဝန်းတောင်ဟူ၍ လည်းကောင်း အသီးသီးတွင်ရာမှ "ဖိုးဝန်းတောင်" ဖြစ်လာ သည်ဟူ၍ ဆိုကြလေသည်။
ဖိုးဝန်းတောင် သမိုင်းအဆိုရမူ သက္ကရာဇ် ၂၀၉ ခုနှစ်တွင် ဟင်္လဂပူရတိုင်း ပြူမင်းပြုံးမင်းခေါ် ဗန္ဓ၀မင်းသည် တိုင်းခန်း လှည့်လည် ယင်း ဤဖိုးဝန်းတောင်တန်း တည်ရာ အရပ်ဝန်းကျင်သို့ ရောက်ရှိလာရာ၊ တောင်နှင့် ၃ မိုင်ခန့် ကွာသော ယခု "မင်းစုကြီးရွာ" နေရာတွင် ချွေးတပ်စွဲ နေလေသည်။ ဖိုးဝန်းတောင် ဒေသ၏ အနေအထားနှင့် ကျောက်ဆောင် ကျောက်တုံးများကို ဘုရားထွင်းထု ပူဇော်ရန် ဗန္ဓ၀မင်းသည် ဆန္ဒပြင်းပြသည့်အလျောက် ဘုရင်မှအစ မိဖုရား မှူးမတ် စစ်ဗိုလ် စစ်သားအထိ တစ်ဦးလျှင် ဘုရား တစ်ဆူစီ ထွင်းထုလှူဒါန်း ကြရာမှ ဘုရားအဆူပေါင်း ၄၄၆၄၄၄ တည်ရှိ နေခြင်း ဖြစ်လေသည်။ စတင်ထုထွင်း လှူဒါန်းသော ဘုရားနှင့် လိုဏ်ဂူကြီး (၆) ခုမှာ -
(၁) ဆုတောင်းပြည့်
(၂) ဆုတောင်းရ
(၃) တတိုင်းပြည့်
(၄) တင်းတင်းပြည့်
(၅) သက်တော်ရှည်
(၆) သက်တော်ရ ဟူ၍ ဖြစ်သည်။
ဘုရားလိုဏ်ဂူအတွင်း၌ မျက်နှာကျက် နံရံတို့တွင် မြန်မာ ရှေးပန်းချီများနှင့် စကားစိမ်းသားစုတ်တံ တမာစေးနှင့် ဖျော်ရသော သဘာဝ တွင်းထွက်ကျောက်ဆေးအိုးမှ ဆေးရောင်စုံများကို တွေ့ရှိ နိုင်သည်။ မာကျောသော ကျောက်သားကို နုနုရွရွ ပန်းခက် ပန်းကြွ နဖူးစည်းများ ထုထွင်းထားပုံမှာ အိန္ဒိယနိုင်ငံရှိ အဇန္တာလိုဏ်ဂူမှ လက်ရာများထက်ပင် ချီးကျူဖွယ် ဖြစ်သည်။ ဖိုးဝန်းတောင်ပေါ်ရှိ အခြားထင်ရှားသော ဂူလိုဏ်ဘုရား စသည်တို့မှာ (၄)ခန်းတွဲ အိမ်ကြီး (၄) လုံးစာခန့်ရှိ ကျောက်တုံးကြီးကို နန်းတော်ဟန် ထုလုပ် ထားသော "မိဖုရားကြီး လိုဏ်ဂူ"၊ တိုက်တန်းလျားကြီး သဖွယ် ဥမင်ကျောက်ဂူ အရှည်ကြီး ထွင်း၍ ယင်း အပေါ်၌ တည်ထားသော "လွမ်းစေတီ"၊ ကရမက်နံ့သာဖြူ တို့ကို အမှုန့် ပြုလုပ် အဂ္ဂတေ သရိုးကိုင်၍ တည်ထားသော "နံ့သာစေတီ" စသည်တို့ ဖြစ်သည်။
ဖိုးဝန်းတောင်မကြီးနှင့် တစ်ဆက်တည်းတွင် "နွားသိုးတောင်၊ လင်းနို့တောင်၊ ကျောက်တစ်လုံး တောင်၊ ဖန်ခါး တောင်နှင့် ရွှေဘတောင်" စသည်ဖြင့် တောင်မျာစွာရှိသည်။ တောင်တိုင်းတွင် ဘုရားနှင့် လိုဏ်ဂူများ ရှိသည်။ နွားသိုး တောင်တွင် ဗန္ဓ၀မင်းကြီး ၏ မိဖုရားကြီးက အရိမေတ္တယျ ဘုရားသခင် ပွင့်သည့်အခါ ကျောင်းတော် ဆောက်ရန် ရည်စူး၍ မြုပ်နှံထားသော ပစ္စည်းဥစ္စာများကို ရန်သူမျိုး ငါးပါး ဘေးမှ ကာကွယ် စောင့်ရှောက်ရန် ကျောက်နွားသိုးရုပ်တစ်ခု ထု ထားသည်။ ယင်းကို အစွဲပြု၍ "နွားသိုးတောင်" ဟုတွင်သည်။ ဗန္ဓ၀မင်း အသုံးတော်ခံ သူကြွယ်ကြီး ဘိုးရွှေဘသည် မူလ လိုဏ်ဂူများ အပြင် နောက်ဆက်တွဲ ထွင်းထု လှူဒါန်းခဲ့ရာ တောင်ကို "ရွှေဘတောင်"ဟု ခေါ်လျက် ရှိကြသည်။ ဖိုးဝန်းတောင် နှင့် ဆက်လျက် တောင်တန်း များအနက် ဖန်ခါးပင်များ အလွန်ပေါသည်ကို စွဲ၍ တွင်နေသော "ဖန်ခါးတောင်" သည် အမြင့်ဆုံး ဖြစ်သည်။
ဖိုးဝန်းတောင်တွင် ပုဂံခေတ် ရှေးကျသော လက်ရေးပါသည့် အုတ်ခွက်များကို တွေ့ရှိ ရသဖြင့် ပုဂံခေတ်ကပင် ဤတောင်၌ သာသနာရေး အဆောက်အအုံများ ရှိမည်ဟု ခန့်မှန်း နိုင်သည်။ တောင်ပေါ်တွင် သက္ကရာဇ် ၁၀၀၀ ကျော် ထိုးစာပါသည့် ခေါင်းလောင်း ၈ ခုရှိသည်။ ရှေးက ဖိုးဝန်းတောင်မှာ တရုတ်ပြည်မှ အိန္ဒိယသို့ သွားရာ ကုန်းလမ်းကျ သဖြင့် သာသနာ ပြန့်ပွားခဲ့ဟန် တူ၏။ ယခုတွေ့ရသော လက်ရာများကား နောက်ကျသော ခေတ်များမှ လက်ရာများ ဖြစ်ကြလေသည်။
ဖိုးဝန်းတောင် ဘုရားပွဲကို ယခုအခါ နှစ်စဉ် တန်ဆောင်မုန်း လတိုင်း ကျင်းပလျက်ရှိရာ ပွဲတော်လာ ပရိသတ် အထူး စည်းကား လှသည်။ ဖိုးဝန်းတောင်သို့ မုံရွာမြို့ တစ်ဖက်ကမ်းမှ ကားလမ်း ခရီးပေါက်သည်။
Ref: မြန်မာစွယ်စုံကျမ်း CD
Labels: poewintaung, powintaung, ဖိုးဝင်းတောင်, ဘုရားများ
| Permalink | Comments
| links to this post
Yinmarbin in GoogleMap
Saturday, August 9, 2008
ယင်းမာပင်ပုံတွေ တင်နေတာထက် Google Map မှာပဲ တိုက်ရိုက်လင့်ထုတ် တင်လိုက်တာက ပိုကောင်းမယ် ထင်လို့ တင်လိုက်တာပါ၊ ဆိုဒ်လေးပြီး တက်လာတာ ကြာသွားရင် ခွင့်လွှတ်ပေးကြပါ...။
View Larger Map
| Permalink | Comments
| links to this post
ယင်းမာပင်မြို့နယ် မှတ်စုတို
တည်နေရာ
ယင်းမာပင်မြို့နယ်သည် စစ်ကိုင်းတိုင်း၊ မုံရွာခရိုင် အတွင်း ချင်းတွင်းမြစ်၏ အနောက် ဘက် မြောက်လတ္တီကျု ၂၁ံ ၅၉' နှင့် ၂၂ံ ၁၉' အကြား၊ အရှေ့ လောင်ဂျီကျု ၉၃ံ၃၆' နှင့် ၉၅ံ ၁၅' အကြားတွင် တည်ရှိ၍၊ ရန်ကုန်မြို့၏ မြောက်ဘက် အနောက်ယွန်းယွန်း မိုင် (၄၀၀) အကွာတွင် တည်ရှိ ပါသည်။ ယင်းမာပင်မြို့နယ် ၏ အရှေ့ဘက်တွင် မုံရွာမြို့နယ် နှင့် ဆားလင်းကြီးမြို့နယ်၊ တောင်ဘက် တွင် ပုလဲမြို့နယ်နှင့် ကနီမြို့နယ်၊ မြောက်ဘက်တွင် ကနီမြို့နယ်တို့ ရှိကြပါသည်။
အကျယ်အ၀န်း
ယင်းမာပင် မြို့နယ်သည် ပင်လယ်ရေမျက် နှာပြင် အထက် ပေ (၄၀၀) တွင် ရှိပြီး ယေဘူယျ အားဖြင့် မြေပြင် ညီညာပြန့်ပြူး ပါသည်။ မြေပြန့်လွင်ပြင်မှာ ရာခိုင်နှုန်း (၄၈.၂၃%) ရှိပြီး စတုရန်းမိုင် အားဖြင့် (၁၇၄.၅၉) ရှိ၍ စတုရန်းမိုင် အားဖြင့် (၇၅.၈၂)၊ ဆင်ခြေလျှော မြေမှာ (၃၄၀.၀၂%) ဧရိယာအားဖြင့် (၁၁၂.၂၉) စတုရန်းမိုင် ရှိရာ ယင်းမာပင်မြို့နယ် မှာ စုစုပေါင်း အကျယ်အ၀န်း အားဖြင့် (၃၆၂.၇၀) ဧရိယာစတုရန်းမိုင် ကျယ်ဝန်း ပါသည်။
မြို့နယ်သမိုင်း
ယင်းမာပင်မြို့နယ်အား မြို့နယ်အဖြစ် ၁၉၀၁ ခုနှစ်တွင် ဗြိတိသျှအစိုးရမှ စတင်သတ်မှတ်ပြီး နယ်ပိုင်ဝန်ထောက် တစ်ဦး ရုံးထိုင်စေလျက် ပုလဲမြို့နယ်၊ ဆားလင်းကြီးမြို့နယ် တို့ကိုပါ အုပ်ချုပ်ရသော ခရိုင်ခွဲ (ဆဗ္ဗဒီဝီဇံ)မြို့အဖြစ် သတ်မှတ်ခဲ့ ပါသည်။ မြန်မာဘုရင်များ လက်ထက်ကမူ ယင်းမာပင် မြို့နယ် အပါအ၀င် ပုလဲမြို့နယ်နှင့် ဆားလင်းကြီးမြို့နယ်တို့ ပါဝင်သော ဒေသများအား ဖန့်ချီနယ် (တချို့က `ဗန့်ဂျီနယ်´ ဟုလည်း ပြောကြ ပါသည်။) ဟု ခေါ်ဝေါ် သတ်မှတ် ခဲ့ပါသည်။ အဆိုပါ (၃)မြို့နယ်၏ အနောက်ဘက်တွင် ပင်တောင်၊ ငပြုံးတောင်၊ ဖန့်ဂျီတောင် ဟူ၍ ရှိရာ ဖန့်ဂျီတောင်သည် တောင်ယမား ချောင်းနှင့် မြောက်ယမားချောင်း အကြားတွင် တည်ရှိသော ကြောင့် အဆိုပါ ဒေသအတွင်း တည်ရှိသော နယ်မြေများကို ဖန့်ဂျီနယ်ဟု ခေါ်ဝေါ်ကြောင်း သိရှိရပါသည်။ မြို့နယ်အဖြစ် ၁၉၀၁ ခုနှစ်ကပင် ဗြိတိသျှအစိုးရက သတ်မှတ် ခဲ့သော်လည်း ယင်းမာပင်မြို့နယ်ကိုမူ မြို့အဖြစ် စနစ်သစ် အုပ်ချုပ်ရေး စတင်သည့် ၁၉၇၂ ခုနှစ်တွင်မှ တရားဝင် သတ်မှတ် ခဲ့ပါသည်။ ယခင်ကမူ ယင်းမာပင်မြို့နယ်သည် နယ်ပိုင်ရုံးစိုက် ဖြစ်သော်လည်း မြို့အဖြစ် တရားဝင် သတ်မှတ်ချက် မဟုတ်ဘဲ မြို့မအုပ်စု အဖြစ်သာ တည်ရှိ ခဲ့ပါသည်။
မြေအနေအထား
ယင်းမာပင် မြို့နယ် အတွင်း၌ တောင်တန်း နှင့် ဆင်ခြေလျှော ဒေသမှာ မြေပြန့်လွင်ပြင် ဧရိယာ ထက် ပိုမိုကျယ်ဝန်းသည် မှန်သော် လည်း ဤမြို့နယ်တွင် အလွန် မြင့်မားသော တောင်ကုန်း တောင် တန်းကြီးများ မရှိပါ။ မြို့နယ် အတွင်း ဖြတ်သန်း စီးဆင်းသည့် တောင်ကျ ချောင်း(ယမားချောင်း)မှာ အနောက်မှ အရှေ့သို့ စီးဆင်း၍ စုန်းကျင်းအုပ်စု၊ ဘိန်းနွယ်ချောင် ကျေးရွာအနီးတွင် ချင်းတွင်းမြစ် အတွင်းသို့ စီးဝင်ပါသည်။ တင်ဆုံချောင်းမှာ အနောက်မြောက်မှ အရှေ့တောင်သို့ စီးဆင်းပြီး နတ္ထောင့် ကျေးရွာ အနီးတွင် ပေါင်းဆုံပါသည်။ ၎င်းချောင်းများသည် ရေစီး အလွန် လျှင်မြန်သည်။ သို့ဖြစ်၍ ၎င်းချောင်းများ ဖြတ်သန်းစီးဆင်းသည့် ရွှေလှန်၊ ပန်းမထုံး၊ ရေအောင့် စသည့်ကျေးရွာများသည် ရံဖန်ရံခါ ရေတိုက်စားခြင်းများ ကြုံရပါသည်။
လမ်းပန်းဆက်သွယ်ရေး
မုံရွာ - ပုလဲ - ဂန့်ဂေါလမ်း ၊ ၁၂-ပေ အကျယ် ကတ္တရာခင်း ကားလမ်းသည် ယင်းမာပင်မြို့နယ်ကို ဖြတ်သန်းလျက် ရှိပါသည်။ မိုင်တိုင် အမှတ် ၉/၀ မိုင်မှ ၂၃/၄ မိုင်သည် ယင်းမာပင်မြို့နယ် အပိုင်း ဖြစ်၍ (၁၄) မိုင် (၄) ဖာလုံ ရှည်လျား ပါသည်။ ဤ မုံရွာ-ပုလဲ-ဂန့်ဂေါ လမ်းမှာ ရာသီမရွေး ဆက်သွယ် သွားလာနိုင်ပြီး ခရီးသည်နှင့် ကုန်စည် များကို သယ်ယူပို့ဆောင်ပေးလျက် ရှိပါသည်။ ထိုပြင် ပွင့်လင်းရာသီ၌ မြို့နယ် အတွင်းရှိ ကပိုင်၊ ဆင်စွယ်၊ ရင်ပေါင်တိုင် စသည့် ကျေးရွာများမှ ယင်းမာပင်မြို့ကို ဖြတ်သန်း၍ မုံရွာမြို့သို့ ခရီးသည်နှင့် ကုန်စည်များ ပို့ဆောင် ပေးခြင်း၊ ကနီ-ယင်းမာပင်-မုံရွာ ကားလမ်းဖြင့် သွားလာနိုင်ခြင်း တို့ဖြင့် လမ်းပန်းဆက် သွယ်ရေး အဆင်ပြေ ချောမွေ့လျက် ရှိပါသည်။ ယင်းမာပင်မြို့မှ မုံရွာမြို့သို့လည်း ကားကြီးကားငယ် များဖြင့် အချိန်မရွေး သွား လာနိုင် သကဲ့သို့ ယခုနောက်ပိုင်းမှ ဖွင့်လှစ်ခဲ့သော ကလေးဝ-ယာကြီး-မင်းဒေါင့်-မုံရွာ ကားလမ်းဖြင့် ချင်းတွင်းတံတား(မုံရွာ) ကို အသုံးပြုလျက် ယင်းမာပင် မြို့နယ်မှ ခရီးသည်နှင့် ကုန်စည် များကို အချိန်အခါမရွေး သယ်ယူပို့ဆောင် ပေးနေပြီ ဖြစ်ပါသည်။
ရာသီဥတု
ယင်းမာပင်မြို့နယ်သည် မြန်မာ နိုင်ငံအလယ်ပိုင်း ပူပြင်းခြောက် သွေ့သည့်အပိုင်းတွင် ပါရှိပါသည်။ တစ်နှစ်လျှင် ပျမ်းမျှ မိုးရေချိန် (၃၀)လက်မ နှင့် (၄၀)လက်မ အကြားသာ ရွားသွန်း လေ့ ရှိပါသည်။ မိုးရေချိန် အနည်းဆုံး လမှာ ဧပြီလဖြစ်၍ အများဆုံးလမှာ အောက်တိုဘာလ ဖြစ်ပါ သည်။ ပူပြင်း ခြောက်သွေ့သည့် ဒေသဖြစ်သည့် အလျောက် မိုးရာသီတွင် တစ်ခါတစ်ရံ မိုးသက် လေပြင်းများ ကျရောက်လေ့ ရှိပါသည်။ အပူချိန် အနေဖြင့် အနိမ့်ဆုံး (၄၀)ဒီဂရီ ဖာရင်ဟိုက် ဖြစ်၍ အမြင့်ဆုံး အပူချိန်မှာ (၁၁၀)ဒီဂရီ ဖာရင်ဟိုက် ဖြစ်ပါသည်။ အအေးဆုံးလ မှာ ဇန်န၀ါရီလ ဖြစ်၍ အပူဆုံးလမှာ ဧပြီလ ဖြစ်ပါသည်။
ပေါက်ရောက်သော အပင်များ
ယင်းမာပင်မြို့နယ်သည် မြေပြန့် အပူပိုင်း ဒေသတွင်သာ ပေါက် ရောက် နိုင်သည့် သန်း၊ ဒဟတ်၊ ထနောင်း၊ ရှား၊ ဇီးဖြူ၊ တယ်၊ တမာ၊ သမုန်း၊ သနပ်ခါး စသည့် အပင်များ ပေါက်ရောက် ပါသည်။ ချင်းတွင်းမြစ် ဘေးတလျှောက်နှင့် ချောင်းဘေး တို့တွင်လည်း သပြေ၊ ဘိုင်၊ ကတွတ်၊ သဖန်းပင်များ ပေါက်ရောက်လျက် တောင်စောင်း များတွင် အင်၊ အင်ကြင်း၊ ထောက်ကြံ့၊ တမလန်း၊ ပိတောက်၊ ပျဉ်းကတိုးပင်များ ပေါက်ရောက်ကာ တောင်ပေါ် မြေပြင်ပိုင်းတွင် ကျွန်း၊ သတီ၊ မျောက်ချောနှင့် မျှင်ဝါး၊ တင်းဝါး၊ သနပ်ခါး စသည်တို့ ပေါက်ရောက်ကြ ပါသည်။ ဆေးဘက်ဝင် အပင်များအနေဖြင့် တောင်ပေါ်၊ တောင်စောင်းများတွင် လက်ထုပ်၊ ဘုမ္မရာဇာ၊ သက်ရင်းကြီး၊ သက်ရင်းကလေး၊ နီပဆေး၊ မှန်နီ၊ ဆင်တုံးမနွယ်၊ မှန်နီ၊ ဆင်တုန်းမနွယ်၊ နာငါးပါး၊ နနွင်းခါး၊ တောရှောက်၊ မင်းကိုးခါ(မင်းကိုးဒါး) စသော ဆေးဘက်ဝင် အပင်များ ပေါက် ရောက် ပါသည်။
စိုက်ပျိုးရေး
ယင်းမာပင်မြို့နယ်တွင် စီမံကိန်း သီးနှံများ စိုက်ပျိုးထုန်လုပ်လျက် ရှိရာ မိုးရာသီ၌ မိုးကြိုစပါး စိုက်ပျိုးခြင်း၊ မိုးနှမ်း၊ မိုးပြောင်ဖူး၊ မြေပဲ၊ ၀ါကလေး၊ ပဲစိမ်းငုံ သီးနှံများ အဓိကထား၍ စိုက်ပျိုး ပြီး
မိုးလယ်ရာသီတွင် စပါး၊ ပဲတီစိမ်း နှင့် နှံစားပြောင်း သီးနှံများ၊ မိုးနှောင်းရာသီတွင် ထောပန်ပဲ၊ စွန်တာနီ၊ ငရုတ်သီးနှံများ၊ ဆောင်းရာသီတွင် နှမ်းကြီး၊ ဆောင်းမြေပဲ၊ ကြက်သွန်ဖြူ၊ အာလူး၊ ကုလားပဲ၊
ဂျုံ သီးနှံများ အဓိကထား၍ စိုက်ပျိုး ထုတ်လုပ်ပါသည်။
ယင်းမာပင်မြို့နယ်၏ စိုက်ပျိုးလုပ်ကိုင်နိုင်သည့် မြေဧကမှာ (၁၂၁၇၆၄) ဧက ဖြစ်ပြီး၊ သစ်တောမြေမှာ (၃၄၂၉၈) ဧက ဖြစ်ပါသည်။ ပလပ်မြေ စုစုပေါင်းမှာ (၁၅၇၃၆) ဧက ရှိ၍ စိုးပျိုး မရသည့် မြေ
စုစုပေါင်းမှာ (၄၀၉၈၂) ဧက ရှိပါသည်။
နောက်ဆုံးအပြောင်းအလဲလေးတွေ
ပညာရေး
အရင်တုန်းက ... မူကြိုကျောင်း (၁)ကျောင်း၊ အ.မ.က(၁) မူလ တန်းကျောင်း (၁)ကျောင်း နဲ့ အ.ထ.က(ယင်းမာပင်) အထက်တန်း ကျောင်း (၁)ကျောင်း ... ဒါပဲ ရှိတယ်။
၁၉၉၂ ခုနှစ် လောက်ကစပြီး အ.မ.က(၂) ဆိုတာ ထပ်ဖွင့်တယ်၊ နေရာက တော့ (ခ)ရပ်ကွက် ထဲမှာပဲ (အရင် စာတိုက်ဟောင်း နေရာပေါ့)။ ဒီတော့ (က)ရပ်ကွက်
(ကုလားတန်း လို့လည်း ခေါ်ကြတယ်) ဖက်က ကလေးတွေ အများဆုံး တက်ကြတယ်။ ၁၉၉၇ ခုနှစ် လောက်မှာ ဘုန်းတော်ကြီး စာသင်ကျောင်း (ဘ.က) ကို "ဇောတိက ကျောင်းတိုက်"
ထဲမှာ ဖွင့်လှစ်နိုင်ခဲ့တယ်။ ဒီကျောင်းက လေးတန်း အထိရှိပြီး ငွေကြေးနွမ်းပါးတဲ့ ကလေးတွေနဲ့ စာသင်သံဃာတော် တွေ အတွက် ရည်ရွယ် ပါတယ်။
ဒါကြောင့် ယင်းမာပင်မြို့ပေါ်မှာတင် မူကြိုကျောင်း (၁) ကျောင်း၊ ဘုန်းတော်ကြီးသင် စာသင်ကျောင်း (၁) ကျောင်း၊ မူလတန်း ကျောင်း (၂)ကျောင်း [အ.မ.က(၁) နှင့် အ.မ.က(၂)] နဲ့
အထက်တန်း ကျောင်း (၁)ကျောင်း ရှိလာတယ် ဆိုပါတော့ ...။
အဲဒီနောက်ပိုင်း ... တခြားကျောင်းတွေအနေနဲ့ ဘာမှ အပြောင်း အလဲ မရှိပေမယ့် မူလတန်းကျောင်း (၂) ကျောင်း ဖြစ်တဲ့ အ.မ.က(၁) နဲ့ အ.မ.က(၂) ကတော့ မူလတန်းလွန်ကျောင်း
တွေအဖြစ် ပြောင်းလဲတိုးတက် လာခဲ့ပါတယ်။ ( "မူလွန်ကျောင်း" ဆိုတဲ့ အခေါ်အဝေါ် က နည်းနည်းတော့ စိမ်းပါတယ်၊ ပြောရရင် တစ်နှစ်ကို တစ်တန်းစီ တိုးသွားတာမျိုးပါ။)
အ.မ.က(၁)အနေနဲ့ ခုဆိုရင် ( ) တန်းထိ တိုးတက်လာပြီး ၊ အ.မ.က(၂) ကတော့ (၇)တန်း ထိ ရောက်နေပါပြီ။
နောက်ပြီး ... ရွာသာရွာမှာ အလယ်တန်းကျောင်း တစ်ကျောင်းလည်း ရှိပါသေး တယ် (မူလတန်းကနေ ရှစ်တန်း အထိပေါ့)။ ဘယ်တုန်းက စဖွင့် ခဲ့လဲ ဆိုတာတော့ မမှတ်မိဘူး ဖြစ်နေပါတယ်။
စာသင်ကျောင်း မဟုတ်ပေမယ့် အမျိုးသမီးရေးရာ က ဖွင့်လှစ် ထားတဲ့ အမျိုးသမီး အိမ်တွင်းမှု ကျောင်းကို လည်း ထည့်တွက်မယ် ဆိုရင် ထည့်တွက်လို့ ရပါတယ်၊ ဒီကျောင်းကို ၂၀၀၅ လောက်က ဖွင့်လှစ် လိုက်တာပါ။
နေရာကတော့ အရင် စက်မှုလယ်ယာ ရုံးဝင်းရဲ့ မြောက်ဖက် ဆန်ဂိုဒေါင် ဟောင်းကြီး တွေ နေရာမှာပါ။
အခုလက်ရှိ ကျောင်းတွေနဲ့ ကျောင်းအုပ်ကြီးတွေရဲ့ အမည်စာရင်းတွေ ကတော့ အောက်ပါအတိုင်း ဖြစ်ပါတယ် -
လက်ရှိ တာဝန်ထမ်းဆောင်နေသူများ ဖြစ်ပါသည်
ကျောင်းအမည်
ကျောင်းအုပ်အမည်
အ.ထ.က(ယင်းမာပင်)
ဦးဇော်ဝင်း (ယာယီ)
အ.မ.က(၁)
ဒေါ်အေးအေးမာ
အ.မ.က(၂)
ဒေါ်ဥမ္မာရွှေ
အ.လ.က(ရွာသာယာ)
9.9
ဘ.က
9.9
မူကြိုကျောင်း
မရှိ (ဆရာမ နှစ်ဦးသာရှိ)
အမျိုးသမီး အိမ်တွင်းမှုကျောင်း
ဒေါ်မြမြသင်း
၂၀၀၃ခုနှစ် နောက်ပိုင်း သိသိသာသာ ပြောင်းလဲသွားတာ တစ်ခု ကတော့ (၉)တန်း၊ (၁၀)တန်း ဘော်ဒါဆောင်တွေ တော်တော် ပေါလာတာ ပါပဲ။
(ခ-ရပ်ကွက် နဲ့ တိုးချဲ့ဖက်တွေမှာ အများဆုံး တွေ့ရ ပါတယ်။) မူလတန်း ကနေစပြီး ကျူရှင်တွေ၊ Guideတွေ ရှိလာပြီး ကလေးတိုင်းလိုလိုကလည်း
ကျောင်းနဲ့ ကျူရှင် မနားတမ်း ပြေးနေ ကြရတယ်။ ယင်းမာပင်မြို့ပေါ်ရှိ နာမည်ရှိတဲ့ ဘော်ဒါဆောင် အချို့ကတော့ အောက်ပါအတိုင်း ဖြစ်ပါတယ်-
ဘော်ဒါအမည်
အုပ်ချုပ်သူ
နေရာ
မြင့်မိုရ်
ဦးမြင့်သန်းဦး
ခ-ရပ်ကွက်(ပါတီရုံးဟောင်း)
EverGrade
ဦးမောင်မောင်ထွေး
ခ-ရပ်ကွက်
အောင်ထက်အောင်
ဦးသိန်းထီ
ခ-ရပ်ကွက်
ပညာမွန်
ဦးစိုးတင့်
ဂ-ရပ်ကွက်
ဂုဏ်ထူးဝေ
ဦးသန်းထွန်းဝင်း
ဂ-ရပ်ကွက်(တိုးချဲ့)
Excellent
ဦးမြလှိုင်
ဂ-ရပ်ကွက်(တိုးချဲ့)
ယောမင်းကြီး
ဦးဝင်းလှိုင်
ဂ-ရပ်ကွက်(တိုးချဲ့)
ငြိမ်းချမ်း
ဦးစန်းမောင်
ခ-ရပ်ကွက်(တိုးချဲ့)
ငွေစန္ဒာ
ဒေါ်ခင်နှင်းဖြူ
ခ-ရပ်ကွက်(တိုးချဲ့)
သရဖူ
ဦးသိန်းမင်းလှိုင်
ခ-ရပ်ကွက်(တိုးချဲ့)
Golden
ဦး -
က-ရပ်ကွက်
လူမှု့ရေး
ဝန်ထမ်းတွေ အများဆုံး နေထိုင်တဲ့ တောမကျ မြို့မကျ မြို့လေးမို့ ခေတ်နောက်ကျ မကျန်ခဲ့သလို ခေတ်ရှေ့လည်း ပြေး မနေပါဘူး။ မြို့သူ မြို့သား အချင်းချင်း လည်း သိနေကြတာမို့
တစ်ခါ တစ်ခါ ရွာလေးနဲ့ တောင် တူနေပါတယ်။
အရင်က လူမှုရေး ကိစ္စတွေ ပေါ်လာတိုင်း ၀ိုင်းဝန်း အကြံပေး ကူညီတတ် ကြပေမယ့် ခုနောက်ပိုင်းမှာ နည်းနည်း စိမ်းသွား တယ်လို့ ခံစား ရပါတယ်။ ခင်ရာခင်ကြောင်း တွေလောက်ပဲ
ရောက် လာ ကြတော့တယ်။ ဒါကလည်း နောက်တက်လာတဲ့ မျိုးဆက်သစ် လူငယ်တွေရဲ့ ခံယူချက် အပြောင်းအလဲကြောင့်လည်း ဖြစ်ကောင်း ဖြစ်နိုင် ပါတယ်။
အဲဒီ နောက်တက် လူငယ်တွေဟာ ရှေးအစွဲ အချို့ကို လျော့ချခဲ ပါတယ်။ ဥပမာ- ဒီမြို့ ပေါ်မှာ တိုက်မဆောက် ရဘူး၊ ဆောက်ရင် ဘာဖြစ်တယ် ညာဖြစ်တယ် . . . တို့ ၊ အမေရေယာဉ် ရဲ့
နယ်မို့ လှေကို "လှေ" လို့ မပြောရဘူး... "ခေါင်း" လို့ ပြောရမယ် တို့ ၊ ဒီမြို့နယ် သား ဖြစ်ရင် တစ်နှစ် တစ်ခါ အမေရေယာဉ် နတ်နန်း ဆီလာပြီး ရေစင် ဆက်ရမယ် တို့ ..... ။
ဒါပေမယ့် ... ရန်ကုန်မှာ နေတယ်၊ နိုင်ငံခြား သွားတယ် ဆိုတာနဲ့ ရမ်းစမ်းပြီး အထင်ကြီး ပစ်တတ်ကြတဲ့ အစွဲလေးတွေ တော့ ရှိဆဲ ပါပဲ။
စီးပွားရေး
ဝန်ထမ်းမြို့လေးဆိုတော့ စီးပွားရေးကို ဒီလောက်ကြီး အားစိုက် ခွန်စိုက် လုပ်ကြတဲ့သူတွေ မရှိလှပါဘူး။
ယင်းမာပင်ကနေ ညောင်ပင်ကြီးအထိ ပြေးဆွဲပေးနေတဲ့ "ရွှေယင်းမာ ကားလေး အသင်း"ဟာ
အခုနောက်ပိုင်း လုံးဝပျက်သလောက် ဖြစ်သွား တယ်။ ပုလဲမြို့နယ်ကားအသင်းတွေက ပုလဲကနေ မန္တလေးအထိ မှန်လုံ ကားတွေနဲ့ တိုက်ရိုက်ပြေးဆွဲ လိုက်တာကြောင့် ဘယ်လိုမှ မယှဉ် နိုင်ဘူး ဖြစ်ကုန်တယ်။
ဒါကြောင့် ကားပိုင်ရှင်တွေလည်း ကုန်တင် ကားတွေဖက် ဦးလှည့်တဲ့သူ လှည့်၊ မှန်လုံကားတွေ ထပ်ဝယ်တဲ့သူ ၀ယ် ဖြစ်ကုန်တယ်။
၂၀၀၄ခုနှစ် လောက်ကစပြီး ဓာတ်ဆီဆိုင်တွေကို အရှေ့ဖက် မြို့အ၀င် မှာ စနစ်တကျ ဖွင့်လှစ်နိုင်ခဲ့တယ်။ ( ဆိုင်ကယ်တွေကို အိမ်တိုင်းနီးပါး ၀ယ်နိုင် လာကြတာရဲ့ အကျိုးဆက်တစ်ခုပေါ့။ အဲဒါရဲ့ နောက်ဆက်တွဲ တစ်ခုက ဆိုင်ကယ်ဝပ်ရှော့တွေပါ ပေါ်လာ တာပါပဲ။)
အရင်က မန္တလေးနဲ့ မုံရွာကုတ် လိုင်းဖုန်းတွေကို သုံးနေရာ ကနေ GSMဖုန်းဆိုင်တွေ ပေါ်လာတယ်။ (အခုဆို ပြည်ပခေါ်ဆို မှု့တွေ အထိ လွယ်သွားပြီ။)
နှစ်ပေ၊ ရှစ်ပေစလောင်းတွေကိုလည်း အိမ်တွေ အတော် များများ မှာ ၀ယ်တပ်လာကြတယ်။
နောက်... ရေခဲသေတ္တာ၊ မီးအား မြင့်စက်၊ မီးစက်၊ အင်ဗာတာ တွေကိုလည်း သုံးစွဲလာကြတယ်။ လူနေမှု့ အဆင့်အတန်း အနည်းငယ် မြင့်တက်လာတဲ့ ပုံစံမျိုးပါ။
နှင်းဆီပန်းကို အဓိကထား စိုက်ပျိုးကြတဲ့ စိုက်ပျိုးရေးခြံ တွေကို အခု နောက်ပိုင်းမှာ လုပ်ကိုင် လာကြတယ်။ နောက် - - - ရေထွက် သိပ်မကောင်းတဲ့ ရေကန်တွေမှာ ငါးမွေးတာကိုလည်း လုပ်ကိုင် လာကြတယ်။
အခြား ကြက်မွေးမြူရေးတို့ ၊ ကွမ်းစိုက် တာတို့ လည်း လုပ်နေကြဆဲ ပါပဲ။
နောက် ... သိသိသာသာ တိုးလာတာကတော့ လက်ဖက် ရည်ဆိုင် တွေ နဲ့ စိုက်ပျိုးရေးဆေးပစ္စည်းဆိုင် တွေပါပဲ။ ဒီဂျစ်တယ် ဓါတ်ပုံဆိုင်၊ ကွန်ပျူတာ စာစီနဲ့ မိတ္တူဆိုင်တွေပါ တွေ့လာ ရပါပြီ။
ဘာသာရေး
ယခင်က ဇောတိကကျောင်း၊ ရေ၀န်းကျောင်း၊ မာန်ဘရာ ကျောင်း၊ သီးပင်ကျောင်း ဆိုပြီး ဘုန်းကြီးကျောင်း (၄) ကျောင်းပဲ မြို့ပေါ်မှာ ရှိခဲ့တယ်။ ဦးစံပေါကျောင်း နဲ့
မိုးကုတ်ဝိပါဿနာကျောင်း တွေကို ထည့်မတွက်ဘူး ဆိုရင်ပေါ့ ---။
နောက်ပိုင်းမှာ ဦးစံပေါကျောင်းကို "တောရကျောင်း"လို့ အမည် ပြောင်းပြီး မယ်သီလရင် ကျောင်းတစ်ခုကိုပါ အဲဒီနားမှာ ထပ်ပြီး တည်ဆောက်ခဲ့ ပါတယ်။
မိုးကုတ် ၀ိပဿနာ ကျောင်းတိုက် ကတော့ သံတံတားကြီး အနောက်ဖက်ကနေ အရှေ့တိုးချဲ့ဖက် ကို ရွေ့သွားခဲ့ပါတယ်။
ထပ်ပြီးပေါ်လာတဲ့ ဘုန်းကြီးကျောင်းကတော့ "ရွှေပေါက်ပင် တောရ ကျောင်းတိုက်" ပါပဲ။ (နေရာက မြို့အ၀င် ပေါက်ပင်ကူး တံတား အရှေ့ဖက်နားလေး မှာပါ။) ဒီကျောင်းတိုက်ကို ယခင်
"ဇောတိက ကျောင်းတိုက်" ကျောင်းထိုင်ဆရာတော် ဦးဌေးယျ ကပဲ တည်ထောင် သွားခဲ့တာပါ။ အဲဒီကျောင်းနဲ့ မျက်နှာချင်းဆိုင် လမ်းတစ်ဖက် မှာတော့ မယ်သီလရင် ကျောင်းတိုက်
တစ်ခု ထပ်ရှိပါသေးတယ်(နေရာ အတိအကျ ဆိုရင်တော့ ပေါက်ပင်ကူး မြို့ဦးစေတီနဲ့ ကပ်ရက်ပေါ့)။
ဒါကြောင့် ယင်းမာပင်မြို့ပေါ်မှာတင် မယ်သီလရင် ကျောင်းတိုက် (၂)ခု ရှိနေပြီ ဖြစ်ပါတယ်။ မြို့ပေါ်ကျေးရွာ နဲ့ ပြောင်းပြာကျေးရွာ ကြားမှာတော့ နောက်ထပ် မယ်သီလရင် ကျောင်းတိုက် တစ်ခု ရှိပါသေးတယ်။
မြို့နယ်တွင်းမှာလို့ ပြောရင်တော့ မယ်သီလရင် ကျောင်းတိုက် (၃)တိုက် ရှိသွားပြီ လို့ ပြောနိုင်ပါတယ်။
အခြားဘာသာဝင်များ အနေနဲ့ က-ရပ်ကွက်(ကုလားတန်း) ဘက်မှာ တော့ အစ္စလမ်ဘာသာ ဘုရားဝတ်ပြုကျောင်း (ဗလီ) တစ်ခု ရှိပါတယ်။ ဂ-ရပ်ကွက်(တိုးချဲ့) ဖက်မှာလည်း သာသနာ ပြုနေတဲ့ ခရစ်ယာန်
သာသနာပြုအဖွဲ့ တစ်ဖွဲ့ ရှိပါတယ်။